लसीकरणाच्या कामात हलगर्जीपणा करणा-या नर्सला निलंबनाचं इंजेक्शन

बीड : लसीकरण (vaccination) योजनेसाठी वरिष्ठांच्या आदेशाचे पालन न केल्याने तसेच कामचुकारपणा केल्याने येथील (beed) जिल्हा परिषदचे मुख्य कार्यकारी अधिकारी यांनी एका नर्सला (nurse) निलंबित केले आहे. या कारवाईने आरोग्य विभागात खळबळ उडाली आहे. (beed latest marathi news)

जिल्हा परिषदेचे मुख्य कार्यकारी अधिकारी अजित पवार (Ajit Pawar) यांनी संबंधित नर्सवर निलंबनाची कारवाई केली आहे. पी.एस. गोरडे असे निलंबित केलेल्या नर्सचे नाव आहे. त्या शिरूर कासार आरोग्य उपकेंद्रात कर्तव्यावर होत्या.

कोरोना (Corona) काळात गाेरडे यांना शिरूर तालुक्यात नियुक्ती दिली होती. मात्र त्या ठिकाणी देखील कामचुकारपणा केल्याचा त्यांच्यावर ठपका ठेवण्यात आला हाेता. गाेरडे यांची चौकशी लावण्यात आली हाेती. या चाैकशीनंतर त्यांचे निलंबन करण्याच्या सूचना सीईओ पवार यांनी जिल्हा आरोग्य अधिकाऱ्यांना दिल्या हाेत्या. त्याप्रमाणे गाेरडे यांच्यावर कारवाई झाली आहे. या कारवाईने कामात हलगर्जीपणा करणाऱ्या अधिकारी, कर्मचाऱ्यांचे धाबे दणाणले आहेत.

Edited By : Siddharth Latkar