बीडच्या परळीत आता सोमवारी मांस विक्रीवर बंदी, पालिकेनं का घेतला निर्णय?

Beed parali latest News : वैद्यनाथ देवस्थानात आता दर सोमवारी शहरात मांसविक्री बंद ठेवण्याचा ऐतिहासिक निर्णय घेण्यात आलाय. परळी नगरपरिषदेने दर्शनासाठी येणाऱ्या भाविकांच्या भावनांचा आदर करत, हा निर्णय घेतलाय. नगराध्यक्षा पद्मश्री धर्माधिकारी यांच्या अध्यक्षतेखाली झालेल्या बैठकीत स्थायी समितीने हा ठराव एकमताने मंजूर केला. असा महत्त्वपूर्ण निर्णय घेणारी परळी ही राज्यातील पहिलीच नगरपालिका ठरलीय.

बारा ज्योतिर्लिंगापैकी पाचवे ज्योतिर्लिंग म्हणून ओळख असलेल्या वैद्यनाथ ज्योतिर्लिंगाच्या दर्शनासाठी येणाऱ्या भाविकांच्या भावना लक्षात घेवून दर सोमवारी मांस विक्री बंद करण्याचा महत्त्वपूर्ण निर्णय परळी पालिकेने घेतला आहे. असा निर्णय घेणारी परळी पालिका पहिली पालिका ठरली आहे. नगरपालिकेच्या स्थायी समितीने एकमताने हा ठराव मंजूर केला. नगराध्यक्षा पद्मश्री धर्माधिकारी यांच्या अध्यक्षतेखाली झालेल्या बैठकीत हा निर्णय घेण्यात आला.या निर्णयाचे सर्वत्र कौतुक होत आहे.