Beed News: क्षुल्लक कारणावरून उपसरपंचाची गुंडागिरी, तरुणावर जीवघेणा हल्ला; गावंदरा गावातील घटना

Beed Crime News: क्षुल्लक कारणावरून भाजप कार्यकर्ता असणारा उपसरपंच बिभीषण बडे यांनी गुंडांकडून कुऱ्हाडी व कोयत्याने तरुणांवर हल्ला केल्याचा धक्कादायक प्रकार बीडच्या गावंदरा गावात उघडकीस आला आहे. यात रामप्रभू बडे हा तरूण गंभीर जखमी झाला असून त्याच्यावर रुग्णालयात उपचार सुरू आहेत. (Latest Marathi News)

मारहाण करून हातात कोयता घेवून गावात दहशत निर्माण करणाऱ्याचा व्हिडिओ कैमेऱ्यात कैद झाला आहे. तसेच हा गोंधळ मोबाइल कॅमेऱ्यात कैद झाला आहे. या प्रकरणी धारूर पोलीस ठाण्यात सात जणांविरोधात गुन्हा दाखल करण्यात आला आहे. (Beed News)

विशेष म्हणजे गावात मिरवणूक सुरू असताना ही मारहाण करण्यात आलीय. पाच ते सात जणांनी कोयत्याने व कुऱ्हाडीने हल्ला केला. यावेळी गावातली काही मंडळी धावल्याने रक्त्याच्या थारोळ्यात पडलेल्या तरुणाला सोडून त्यांनी पळ काढला. त्यानंतर पुन्हा मध्यरात्री पीडित तरुणाच्या घरावर दगड फेक केली व पळून गेले. दरम्यान या हल्ल्यामुळे कुटुंबात दहशत निर्माण झाली आहे. (Beed Crime)