Beed News: तरुणाचे मोबाईल टावरवर चढून आंदोलन; गावात समस्‍यांनी त्रस्‍त

बीड : बीडच्या आष्टी तालुक्यातल्या वाहिरा गावच्या अशोक शिवाजीराव माने या तरुणाने बीड (Beed) शहरातील बालेपीर भागात असलेल्या टावरवर चढून आंदोलन करायला सुरुवात केली आहे. (Breaking Marathi News)

आष्टी तालुक्यातील धानोरा ते वाहिरा या रस्त्याला नवीन मंजुरी देण्यात यावी. त्याचबरोबर या परिसरात असलेल्या वस्तीवरचे रस्ते दुरुस्त करून गावात असलेल्या आरोग्य केंद्रामध्ये डॉक्टरांची नेमणूक करण्यात यावी. अशी मागणी या तरुणांनी केली असून गेल्या एक तासापासून हा तरुण बीड शहरातल्या बालेपिर भागातल्या एका टॉवरवर चढून बसला आहे.

प्रशासनाची धावपळ

तासाभरापासून सुरू असलेल्‍या आंदोलनामुळे नागरीकांची गर्दी जमली आहे. दरम्यान यामुळे प्रशासनाची चांगलीच धावपळ उडाली असून टॉवर परिसरात पोलिसांसह अग्निशामक दलाचे जवान तैनात झाले आहेत. आंदोलन करत असलेल्‍या तरुणाला खाली उतरविण्याचे प्रयत्‍न सुरू आहेत.