अवैध धंद्यांना पाठबळ; डिवायएसपीची बदली तर पोलिस निरीक्षक वासुदेव मोरे निलंबित

बीड : अवैध धंद्यांना आर्थिक देवाणघेवाणीतून पाठबळ देणाऱ्या डीवायएसपी जायभाये यांची तातडीने बदली करत (Ambajogai) अंबाजोगाई ग्रामीणचे पोलीस निरीक्षक वासुदेव मोरे यांना निलंबित करण्यात आले. (BJP) भाजप आमदार नमिता मुंदडा यांनी याबाबत प्रश्न उपस्थित केला होता. यानंतर घोषणा गृहमंत्री देवेंद्र फडणवीस यांनी सभागृहात केली. (Beed Today News)

बीडच्या (Beed) अंबाजोगाई पोलीस ठाण्याच्या हद्दीतील अवैध व्यवसायांना पाठबळ देणे, त्यांना पाठीशी घालणे या प्रकरणी झालेल्या चौकशीत संबधित (Police) पोलीस निरीक्षक दोषी आढळल्याने त्यांना निलंबित करण्यात आले आहे. तर याप्रकरणी उपविभागीय पोलिस अधिकारी यांचीही बदली करण्याची घोषणा गृहमंत्री देवेंद्र फडणवीस यांनी विधानसभेत केली. आमदार नमिता मुंदडा यांनी उपस्थित केलेल्या लक्षवेधीवर ही कारवाई करण्यात आली आहे.