रस्त्यासाठी रस्त्यावरच केले जागरण गोंधळ आंदोलन

बीड : बीडमध्ये रस्त्याच्या मागणी वरून वंचित बहुजन आघाडी आक्रमक झाले आहे. बीड शहरातील धानोरा रोड दुरावस्थेच्या प्रश्नाकडे लक्ष वेधण्यासाठी वंचित बहुजन आघाडीकडून रस्त्यावरच आंदोलन कारण्यात आले. (beed news Jagran Gondhal Andolan on the streets for the road)

बीडमधील (Beed) रस्‍त्‍याची दुरावस्‍था आहे. या विरोधात वंचितच्या कार्यकर्त्यांसह स्थानिक नागरिक देखील आंदोलनात सहभागी झाले. आंदोलनादरम्यान प्रशासनाविरोधात जागरण गोंधळ घालून लक्ष वेधण्यात आले आहे. दगडरुपी मुख्याधिकारी नगरपरिषद यांच्यावर फुले टाकून ही मागणी करण्यात आली. नगर रोड ते धानोरा या अडीच किलोमीटर रस्त्याची मोठी दुरवस्था झालीय. ठीक ठिकाणी खड्डे पडून अपघाताचे (Accident) प्रमाण वाढले आहे. मात्र रस्त्याच्या देखभालीकडे संबंधित प्रशासन दुर्लक्ष करतेय. त्यामुळेच मान्सून पूर्व हा रस्ता दुरुस्त केला जावा; अशी मागणी या दरम्यान करण्यात आली.