Beed News: बेरोजगारीने घेतला बळी; डी.एड्‌ होवूनही नोकरी नसल्‍याने तरुणाचे टोकाचे पाऊल

बीड : बेरोजगारीला कंटाळून एका 34 वर्षीय तरुणाने राहत्या घरात दोरीने गळफास घेऊन आत्महत्या केली. ही धक्कादायक घटना बीडच्या (Beed) केज तालुक्यातील काळेगावघाट येथे घडली. दयानंद हरिश्चंद्र गाताडे असे आत्महत्या केलेल्या तरुणाचे नाव आहे. तर या घटनेमुळे गावात हळहळ व्यक्त केली जात आहे. (Live Marathi News)

मयत दयानंद गाताडे याने डी.एडचे शिक्षण (Education)घेतले होते. तो मागील काही वर्षांपासून शिक्षकाच्या नोकरीच्या शोधात होता. मात्र नोकरी मिळत नसल्याने तो हताश झाला होता. शेवटी बेरोजगारीला कंटाळून दयानंदने घरी कोणी नसताना दोरीने गळफास घेऊन आत्महत्या सारखी टोकाची भूमिका घेतल्याचे सांगितले जात आहे.

पोलिसांकडून पंचनामा

बेरोजगारीने तरुणाचा बळी घेतला आहे. या घटनेची माहिती मिळताच केज पोलीसांनी घटनास्थळी धाव घेत घटनेचा पंचनामा केला. दरम्यान अविनाश रामचंद्र गाताडे यांच्या खबरेवरून केज पोलीस ठाण्यात अकस्मात मृत्यूची नोंद करण्यात आली आहे.