Beed News : बीड जिल्ह्यातील धरणाची पाणी पातळी घटली; केवळ १३ टक्के पाणीसाठा

बीड : बीड जिल्ह्यात पावसाचा खंड पडल्याने धरणातील पाणी पातळी देखील कमी झाली आहे. जुलै महिन्यात झालेला पाऊस (Rain) पिकांसाठी समाधानकारक ठरलाय. मात्र या पावसाचा धरण साठ्यांना (Beed) फारसा लाभ झालेला नाही. (Latest Marathi News)

बीड जिल्ह्यात आतापर्यंत चांगला पाऊस झाला नाही. यामुळे धरणात पुरेसा पाणीसाठा झाला नाही. जिल्ह्यातील १४३ लहान मोठ्या धरणात १३.५३ टक्के इतकाच पाणीसाठा शिल्लक आहे. त्यामुळे चिंता वाढवली आहे. येत्या दोन महिन्यात जिल्ह्यात चांगला पाऊस झाला नाही, तर जिल्ह्याला पाणी संकटास तोंड द्यावे लागण्याची शक्यता निर्माण झाली आहे. 

धरणात असा आहे साठा 

माजलगाव धरणात १५.८७ टक्के, मांजरा धरणात २६.८५ टक्के तर बिंदुसरा धरणात ३० टक्के पाणीसाठा शिल्लक आहे. जिल्ह्यात या वर्षी २४१ मिलीमीटर पाऊस झाला आहे. त्यामुळे जिल्ह्यात पावसाची प्रतीक्षा कायम आहे