बीडमध्ये अतिक्रमणची निर्दयी कारवाई! गरीब आजीची भाजी कचऱ्यात, डोळ्यातून अश्रूंचा पूर

विशाल सवने, साम टीव्ही

इतभर पोटाची खळगी भरण्यासाठी परिस्थितीशी झगडणारी ही बीडची आजी... आयुष्याच्या संध्याकाळी चार पैसं गाठीशी असावं म्हणून भाजी इकनारी ही आजी... हिच्या डोळ्यात आज पाणी हाय...डोळ्यात पाणी येण्यामागचं कारण हाय इथली गेंड्याची कातडी असणारी व्यवस्था... जिला ना दया अन् ना माया...

रणरणत्या उन्हात ही आजी बीडच्या भाजी मंडईत भाजी इकती. चार पैसं कमवती. पण बीडच्या नगर परिषदेच्या डोळ्यात ही खूपलं अन् आणली कारवाईची गाडी... गाडी आली पाच गडी गाडीतनं उतरलं अन् कारवाईला सुरुवात केली... अजीला हसकं दिलं धसकं दिलं... आजीनं इकायला आणलेली भाजी कनाकन उचलली... अन् कचऱ्याच्या गाडीत टाकली...

या कर्मचाऱ्यांचा निर्दयी पण इतका की सकाळपासनं उपाशी असलेल्या आजीचा जेवणाचा डबाबी... कचऱ्याच्या गाडीत फेकून दिला... सकाळपासनं कमावलेलं पैसंबी... कचऱ्यात टाकून दिलं... कर्मचारी हातात घावलं ती सामान उचलून फेकून देत हुतं... अन् आजी काडी काडी भाजी पदराखाली झाकून ठेवतं हुती... पण कर्मचाऱ्यांनी सगळं कचऱ्यात फेकून दिलं... डोळ्या देखत सगळ कचऱ्यात जाताना बघून आजी बांध पुढला अन् अजी ढसाढसा रडू लागली...

वाईट लय वाईट... ही व्यवस्था लय वाईट...

मोठ्या... लहान शिटीत करोडोचा भ्रष्टाचार हुतू... अनाधिकृत बांधकामाचं मजलं चढलं जात्यात... खोऱ्यानं पैसा वडून घेतला जातू...यांच्यावर कारवाई कधी होत नाय पण कारवाई हुती इतभर पोटाची खळगी भरणाऱ्या गरीब आजीवर...