Beed Crime : नात्याला काळीमा! बहिणीचे अश्लील फोटो काढून अत्याचार; भावास अटक

बीड - 20 वर्षीय विवाहिता कपडे बदलतानाचे चोरून अश्लील फोटो काढत, ते फोटो व्हायरल करण्याची धमकी देत, आत्याभावाने बहिणीवर अत्याचार केल्याची धक्कादायक घटना घडली आहे. ही संतापजनक घटना बीडच्या (Beed) वडवणी तालुक्यात उघडकीस आली आहे. आकाश काळे असे नराधम आरोपी तरुणाचे नाव आहे. (Beed Crime News)

वडवणी तालुक्यातील चिंचाळा गावात आपल्या मामाकडे शिक्षणासाठी आलेल्या नराधम आरोपी आकाश काळे याने मामाच्या सुनेवरचं वाईट डोळा ठेवला. त्याने पीडिता अंघोळ करून कपडे बदलत असतानाचे चोरून अश्लील फोटो काढले. त्यांनतर शारीरिक संबंध ठेवण्याची मागणी केली. (Tajya Batmya)

जर शारीरिक संबंध ठेवण्यास नकार दिला, तर फोटो व्हायरल करण्याची धमकी देत, नराधम आत्याभाऊ असणाऱ्या आकाश काळे याने विवाहितेवर एक ना अनेक वेळा अत्याचार केला. या वारंवार होणाऱ्या ब्लॅकमेलिंगला कंटाळलेल्या पिडितेने, शारीरिक संबंध ठेवण्यास नकार देताच, आरोपीने तिचे अश्लील फोटो तिच्या पतीसह नातेवाईकांना पाठवत व्हायरल केले. (Beed News Toady)

याप्रकरणी पिडितेने दिलेल्या फिर्यादीवरून, नराधम आरोपीवर वडवणी पोलीस ठाण्यात गुन्हा दाखल करण्यात आला आहे. दरम्यान पोलिसांनी आरोपीला तात्काळ अटक करत बेड्या ठोकल्या आहेत.

Edited By - Shivani Tichkule