Beed Accident : चालत्या दुचाकीला धडक, बाईक हायवावर आदळली, हेल्मेटची क्लिप मानेत घुसून प्रध्यापकाचा मृत्यू

बीड : राज्यात दिवसेंदिवस गुन्हेगारीचं प्रमाण वाढत चाललं आहे. त्याचदरम्यान, बीड-परळी राष्ट्रीय महामार्गावर शिरसाळा गावाजवळ एका दुचाकी अपघातात प्राध्यापक अमोल लव्हाळे यांचा मृत्यू झाला आहे. दुचाकीवरून जात असताना दुसऱ्या दुचाकीची जोरदार धडक बसल्यामुळे ते समोर चाललेल्या हायवावर आदळले. या धडकेत ते गंभीर जखमी झाले आणि उपचारादरम्यान त्यांचा मृत्यू झाला. ही दुर्घटना आज सकाळच्या सुमारास घडली. अमोल लव्हाळे हे आपल्या दुचाकीवरून जात असताना मागून येणाऱ्या दुसऱ्या दुचाकीने त्यांच्या दुचाकीला जोरदार धडक दिली. धडकेनंतर त्यांचे वाहन नियंत्रणात राहिले नाही आणि समोर चाललेल्या हायवावर जोरात आदळले.

हेल्मेटची क्लिप मानेत घुसली

अमोल लव्हाळे यांनी सुरक्षिततेसाठी हेल्मेट घातलं होतं. प्रत्यक्षदर्शींनी दिलेल्या माहितीनुसार, हेल्मेटची क्लिप त्यांच्या मानेत घुसल्याने गंभीर रक्तस्त्राव झाला. हीच जखम त्यांच्या मृत्यूचं कारण ठरली, अशी प्राथमिक माहिती समोर आली आहे. अपघातानंतर लव्हाळे यांना तातडीने शिरसाळा येथील खासगी रुग्णालयात नेण्यात आलं. मात्र तिथे आवश्यक उपचार न झाल्यानं त्यांना पुढे परळी येथील दुसऱ्या खासगी रुग्णालयात हलवण्यात आलं. मात्र, तेथे पोहोचेपर्यंत उशीर झाल्यामुळे डॉक्टरांनी त्यांना मृत घोषित केलं.

भावांचा वीज पडून मृत्यू

वर्धा जिल्ह्यात दोन दिवसांपासून जोरदार पाऊस सुरु आहे. यातच काही ठिकाणी विजांच्या कडकडाटासह पाऊस होत आहे. पाऊस आल्याने पेरणीच्या कामाला वेग आला असून शेतात पेरणीच्या कामाला गेलेल्या दोघा चुलत भावांचा वीज पडून मृत्यू झाला. सदरची घटना वर्धा जिल्ह्याच्या कारंजा घाडगे येथे बिहाडी शेत शिवारात घडली आहे. या घटनेमुळे गावात हळहळ व्यक्त केली जात आहे.

वर्धा जिल्ह्याच्या कारंजा घाडगे येथील रितेश मोरेश्वर सरोदे (वय २८) व राजू ताराचंद सरोदे (वय १६) असे घटनेत मृत झालेल्या चुलत भावांची नावे आहेत. कारंजा घाडगे शहरापासून पासून अर्धा किलोमीटर अंतरावर असलेल्या मोरेश्वर सरोदे यांच्या शेतात कपाशी पिकाची पेरणी सुरू होती. पेरणीकरिता मजूर असल्याने रितेश व राजू हे देखील शेतात गेले होते. पेरणी सुरु असतांना अचानक जोरदार पावसाला सुरवात झाली.