भयंकर घटना! वाहनाची हवा चेक करायला खाली उतरले, अन् क्षणात होत्याचं नव्हतं झालं

बीड : अंबाजोगाई महामार्गावर भरधाव कारने रस्त्याच्या बाजूला उभ्या असलेल्या दोघांना चिरडलंय. ही दुर्दैवी घटना बीड अंबाजोगाई महामार्गावरील चंदन सावरगाव येथे मंगळवारी रात्रीच्या सुमारास घडली. केज तालुक्यातील चंदनसावरगाव येथील बसस्थानकावर, रात्री 8 ते 9 च्या दरम्यान राजस्थान येथील ट्रक चंदनसावरगाव येथील बस स्टँडवर रस्त्याच्या कडेला थांबला होता. (Beed Accident News)

ट्रक चालक व क्लिनर हे खाली उतरून ट्रकच्या टायर मधील हवा तपासून पाहत होते. या दरम्यान अंबाजोगाईकडून केजकडे येत असलेली भरधाव कारने त्या दोघांना चिरडले. या अपघातात उत्तर भारतीय ताहेर हुसेन आणि इस्माईल हे दोघे ट्रक चालक व क्लिनर जागीच ठार झाले. (Beed Crime News)

दरम्यान, हा अपघात इतका भीषण होता की, कार ट्रक चालक व क्लिनरला चिरडून नंतर रस्त्याच्या कडेच्या खड्ड्यात पडली. यामध्ये कारमधील प्रदीप अर्जुन मुंडे आणि रवि दिलीप मुंडे दोघे रा. गोपाळपूर ता. धारूर हे जखमी झाले आहेत.