Beed Accident News: बीडमध्ये अपघात! वारकऱ्यांच्या दिंडीत घुसली रिक्षा; १ जण जखमी

Beed Accident News: बीडमधून (Beed Accident) एक मोठी अपघाताची बातमी समोर आली आहे. प्रवाशी वाहतूक करणारा रीक्षा आणि दुचाकीमध्ये हा भीषण अपघात झाला. हा अपघात होताच रिक्षा बाजूने पंढरपूच्या दिशेने चाललेल्या वारकऱ्यांच्या दिंडीत घुसली. यामुळे एका वारकऱ्यासह अन्य एक जण जण गंभीर जखमी झाला आहे. जखमींवर खासगी रुग्णालयात उपचार सुरू आहेत. (Latest Accident News)

याबाबत समोर आलेल्या माहितीनुसार, बीड शहरातील जालना रोडवर हा अपघाताची घटना घडली आहे. बीड शहरापासून काही अंतरावर असणाऱ्या रिलायन्स पेट्रोल पंपाच्या बाजूला प्रवाशी वाहतूक करणारी रिक्षा आणि दुचाकीची जोरदार धडक झाली. या धडकेनंतर रिक्षा बाजूने पंढरपूच्या दिशेने चाललेल्या वारकऱ्यांच्या दिंडीत (Ashadhi Wari 2023) घुसली. यावेळी एका वारकऱ्यासह अन्य एक जण गंभीर जखमी झाला आहे.

या अपघाताची माहिती मिळताच सामाजिक कार्यकर्ते विनोद चव्हाण, आजिनाथ गवळी यांनी घटनास्थळी धाव घेत जखमींना मदत केली. या अपघातातील एका वारकऱ्यांसह अन्य जखमीला तात्काळ खाजगी रुग्णालयात उपचारासाठी दाखल करण्यात आले आहे.

दरम्यान, ज्ञानदेव सोपान लाफाड़े (रा. भुसावळ, ता.भूसावळ जि. जळगांव) असे या अपघातात जखमी झालेल्या वारकऱ्याचे नाव आहे. तर शेख सलमान (रा. चकलंबा) असं दुचाकीवरील जखमी तरुणाचे नाव आहे. सध्या या दोघांवरही शहरातील काकू-नाना या खाजगी रुग्णालयात उपचार सुरू आहेत. (Latest Marathi News)