Beed News : गाढ झोपेतच मृत्यूने गाढले; अंगावरून डंपर गेल्याने २ तरुणांचा मृत्यू

बीड : मुरूम खोदकामासाठी गेलेल्या दोन तरुणांचा दुर्देव मृत्यू झाल्याची घटना घडली आहे. रात्रीच्या सुमारास पोकलॅन मशीनजवळ झोपले होते. यावेळी मुरूम भरण्यासाठी आलेले डंपर अंगावरून गेल्याने त्यांचा जागीच मृत्यू झाल्याची घटना बीड जिल्ह्यात घडली आहे. 

समाधान थोरात व सुभाष कुमार चव्हाण असे अपघातात मृत्यू झालेल्या तरुणांचे नाव आहे. घटनेत मृत झालेले समाधान आणि सुभाष हे दोघे मुरूम खोदण्यासाठी पोकलेन चालवण्याचे काम करत होते. बीड (Beed) जिल्ह्यातील पाली गावात मुरूम खोदकाम सुरु होते. या ठिकाणे हे दोघे तरुण गेले होते. मुरूम भरण्यासाठी गाडी नसल्याने थोडा आराम म्हणून दोघेही रात्री मशीनच्या जवळच झोपले होते. परंतु दुर्देवाने दोघा तरुणांना गाढ झोपेतच (death) मृत्यूने गाठले. 

दोघे तरुण झोपले असताना त्यांच्या अंगावरून डंपर गेल्याने हे दोघेही जागीच ठार झाले. ही बाब निदर्शनास (Accident) आल्यानंतर डंपर चालक फरार झाला होता. दरम्यान बीडच्या ग्रामीण पोलिसांनी या ठिकाणी तात्काळ धाव घेऊन हा डंपर ताब्यात घेतला आहे. दरम्यान या प्रकरणाचा अधिक तपास आता पोलीस करत आहेत.