![Baramati Crime News, Satara, Phaltan](http://media.assettype.com/saamtv%2F2022-08%2F29e5ad24-123b-4a76-b141-d43e859fae9f%2FKiara_Advani_Birthday.jpg?w=480&auto=format%2Ccompress&fit=max)
पाेलिसांकडून मिळालेल्या माहितीनूसार बारामती शहरातील श्रीरामनगर भागात जुन्या वादाच्या कारणातून अल्पवयीन मुलांनी एकाचा खून केला. शशिकांत बाबासाहेब कारंडे (मूळ राहणार मठाचीवाडी, तालुका फलटण, जिल्हा सातारा) सध्या राहणार एचडीएफसी बँक मागे भिगवण रोड बारामती असे खून झालेल्या व्यक्तीचे नाव आहे.
शहरातील श्रीरामनगर भागातील कवी मोरोपंत शाळेजवळ गुरुवारी सायंकाळी ही घटना घडली. कारंडे हे त्यांच्या नातवाला नेण्यासाठी कविवर्य मोरोपंत शाळेजवळ आले होते. यादरम्यान काहींनी त्यांच्यावर कु-हाडीनं हल्ला केला.
या हल्ल्यामध्ये ते गंभीर जखमी झाले. त्यानंतर त्यांचा मृत्यू झाला. कारंडे हे बारामतीत एका कंपनीत नोकरीस होते. दरम्यान कारंडे यांच्या मुलाची यापूर्वी भांडणे झाली होती. त्या वादातून हा खून झाल्याची चर्चा आहे. पोलिसांनी मात्र याला दुजोरा दिला नाही. पोलिसांचे पथक संशयितांना शोधण्यासाठी रवाना झालेत अशी माहिती सुनील महाडिक (पोलीस निरीक्षक बारामती) यांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.