Flower Price: फुलांना सोन्याचे दिवस, लग्नसराईमुळे दर वाढले, शेतकरी सुखावला

बारामती: कोरोनामुळे गेल्या दोन वर्षांपासून अनेक निर्बंध होते. त्यात राज्यातील मंदिरंही बंद ठेवण्याचा निर्णय घेण्यात आला होता. त्यामुळे फुल उत्पादक शेतकऱ्यांना आणि व्यापाऱ्यांना मोठ्या संकटाचा सामना करावा लागला होता. आता राज्यातील सर्व मंदिरे खुली झाली आहेत, तसेच लग्न सोहळे देखील पूर्वीप्रमाणे होत आहेत. त्यामुळे फुलांच्या दरात चांगलीच वाढ झाली आहे (Baramati Indapur Flower Market Flower Price Increases Due To Increase In Demand).

बारामतीतील (Baramati) इंदापूरमध्ये (Indapur) चालू महिन्यात फुलांना चांगली मागणी असल्याने गेल्या वर्षापासून स्थिर असलेल्या फुलांच्या भावात (Flower Price) अचानक वाढ झालीये. त्यामुळे फुल बाजाराने नवा उच्चांक गाठला आहे.

इंदापूर तालुक्यासह आजूबाजूच्या तालुक्यातील आणि खेड्यातील शेतकरी (Farmer) इंदापूर शहरातील जुन्या कृषी उत्पन्न बाजार समितीच्या आवारात भरत असलेल्या फुल बाजारात आपली फुले घेऊन येतात. सदर फुलांना चांगला दर मिळत असल्याची माहिती फुल व्यापारी, रॉयल ट्रेडिंग कंपनीचे सर्वेसर्वा सुपिया खान जमादार आणि संदिप सेठ शिंदे यांनी दिली आहे.

इंदापूर बाजारपेठेतील फुलांचे दर प्रति किलो पुढील प्रमाणे -

झेंडू - 30 ते 40

गुलछडी - 150 ते 230

बिजली - 80 ते 140

तुळजापुरी - 10 ते 30

गुलाब - 18 ते 27 पेंडी

पासली - 20 ते 22 पेंडी

गजरे - 300 ते 500 शेकडा

गंलाडा - 40 ते 70

Edited By - Nupur Uppal