Maharashtra Politics : बंजारा समाजाचा ST मध्ये समावेश करा, शिष्टमंडळाची मुख्यमंत्र्यांसोबत बैठक, काय तोडगा निघणार?

हैदराबाद गॅझेटनुसार आमचा समावेश हा एसटी प्रवर्गात करावा अशी मागणी बंजारा समाजामधून होत आहे. बंजारा समाजाचा समावेश हा एसटी प्रवर्गात करावा या मागणीसाठी बंजारा समाजाच्या वतीनं अनेक ठिकाणी आंदलोनं देखील करण्यात आली आहेत. तसेच उपोषणही करण्यात आले. दरम्यान बंजारा समाजाला मुख्यमंत्री देवेंद्र फडणवीस यांनी कोणतंही टोकाचं पाऊल न उचलण्याचं आवाहन केलं आहे. तसेच यावर तोडगा काढण्यासाठी बंजारा समाजाच्या शिष्टमंडळाची येत्या 31 तारखेला मुख्यमंत्र्यांच्या उपस्थितीत बैठक होणार आहे.

महाराष्ट्रात मराठा आरक्षणाच्या पार्श्वभूमीवर हैदराबाद गॅझेट लागू करण्यात आलं, मात्र त्यानंतर आता हैदराबाद गॅझेटनुसार आमचा समावेश हा एसटी प्रवर्गात करावा अशी मागणी बंजारा समाजामधून होत आहे. या मागणीसाठी बंजारा समाजाच्या वतीनं अनेक ठिकाणी आंदलोनं देखील करण्यात आली आहेत. नंतर बंजारा समाजाला एसटी प्रवर्गातून आरक्षण मिळावं यासाठी बंजारा समाजाचे कार्यकर्ते विजय चव्हाण यांनी जालन्यात उपोषण केल.

अखेर राज्य सरकारच्या शिष्टमंडळानं त्यांची भेट घेत नवव्या दिवशी विजय चव्हाण यांना उपोषण मागे घेण्यास सांगितलं. त्यांनी नवव्या दिवशी आपलं उपोषण मागे घेतलं. मंत्री पंकजा मुंडे, संजय राठोड आणि अर्जुन खोतकर यांच्या हस्ते पाणी पिऊन त्यांनी आपलं उपोषण मागे घेतलं.

यानंतर बंजारा समाजाचा एसटी प्रवर्गात समावेश करण्याच्या मागणीसाठी ९ दिवस आमरण उपोषण केल्यानंतर मुख्यमंत्री देवेंद्र फडणवीस यांनी फोनवरून संवाद साधत विजय चव्हाण यांना आश्वासन दिले आहे. येत्या ३१ तारखेला बंजारा समाजाच्या शिष्टमंडळाची मुख्यमंत्री देवेंद्र फडणवीस यांच्यासोबत बैठक होणार असल्याची माहिती उपोषण करते विजय चव्हाण यांनी दिली आहे. दरम्यान गेवराई तालुक्यातील केकत पिंपरी या गावांमध्ये बंजारा समाजाच्या तरुणाने आत्महत्या केल्यानंतर त्यांच्या कुटुंबीयांची भेट देखील घेण्यासाठी विजय चव्हाण जाणार आहे. आता ३१ तारखेला बंजारा समाजाच्या मागण्या पूर्ण होणार का ? हे पाहणं महत्त्वाचं ठरेल.