पर्यटनाला बंदी तरीही पर्यटक नाणेघाट, माळशेज, भिमाशंकर परिसरात

भिमाशंकर : सह्याद्रीच्या पर्वतरांगांमध्ये पांढऱ्या शुभ्र धुक्यात हिरवागार निसर्ग पयर्टकांना भुरळ घालतो! मात्र कोरोनाच्या पार्श्वभूमीवर पर्यटनाला बंदी घालण्यात आली असली तरी मोठ्या संख्येने पर्यटक पर्यटनबंदीच्या आदेशाला केराची टोपली दाखवत नाणेघाट भिमाशंकर परिसरात चिमुकल्यांसह, महिला, तरुण व तरुणी मोठ्या संख्येने दाखल होत आहेत.

हे देखील पहा -

भिमाशंकर आणि जुन्नर तालुक्यातील माळशेज, नाणेघाट परिसरात मागील पंधरा दिवसांपासून निसर्गाचे नयनरम्य रुप पहायला मिळत आहे. पावसाच्या सरीसोबत पांढरेशुभ्र धुके, खळखळ वाहणारे धबधबे असे निसर्गाचे देखणे आणि मनमोहक रुप पाहायला मिळत आहे. मात्र, कोरोनाच्या पार्श्वभूमीवर सध्या पर्यटनाला बंदी घालण्यात आली आहे. तरीही, पुणे मुंबई परिसरातुन असंख्य पर्यटक चिमुकल्यांसह महिला, तरुण-तरुणी भिमाशंकर, नाणेघाट, माळशेज परिसरात दाखल होत आहे 

मागील दोन वर्षांपासून लॉकडाऊनमुळे घरातच असलेली चिमुकली मुलं, महिला व तरुणवर्ग नयनरम्य निसर्गात आनंद साजरा करत आहेत. प्रशासनाने पर्यटनाला बंदी घातली हि बंदी उठवावी आणि या सार्‍या विलोभनीय दृश्यांचा अनुभव पर्यटकांना घेता यावा अशी मागणी आता पर्यटक करू लागले आहेत.

Edited By : Krushnarav Sathe