Aurangabad Crime : बायकोला बघून शिट्या मारतो म्हणून तरुणाचा खून; औरंगाबादेतील धक्कादायक घटना

Aurangabad Crime News : औरंगाबाद येथून एक धक्कादायक घटना घडली आहे. बायकोला शिट्या मारतो म्हणून एका तरुणाचा खून करण्यात आला आहे. तत्पूर्वी त्याच्यावर बिबट्याने हल्ला केल्याने त्याचा मृत्यू झाल्याची अफवा सिल्लोड तालुक्यातील रेलगाव येथे पसरली होत. मात्र पोलीस तपासात हा बिबट्याचा हल्ला नसून त्याचा खून झाल्याची माहिती समोर आली. पोलिसांनी आरोपीस २४ तासाच्या आत जेरबंद केले आहे.

नेमकं काय आहे प्रकरण?

शेतात पाणी भरण्यास आणि पार्टीसाठी जाणाऱ्यास रवींद्र काजळे या तरुणाचा 1 जानेवारी रोजी बिबट्याच्या हल्लात मृत्यू झाल्याची अफवा सिल्लोड तालुक्यातील रेलगाव येथे पसरली होती. मात्र तो बिबट्याचा हल्ला नसून बायकोला शिट्या मारतो म्हणून त्या तरुणाचा खून केला असल्याची माहिती पोलीस तपासात निष्पन्न झाली आहे.

याप्रकरणी गणेश चव्हाण याला पोलिसांनी 24 तासांत जेरबंद केलं आहे. रवींद्र बायकोला शिट्या मारतो म्हणून त्याचा खून केल्याची कबुली आरोपीने पोलिसांना दिली. याप्रकरणी सिल्लोड पोलीस अधिक तपास करत आहेत.

रवींद्र हा गणेशच्या बायकोला वाईट नजरेने बघत होता तिला शिट्या मारत होता. गणेशने त्याला अनेक वेळा समजावले पणरवींद्रने ऐकले नाही. याच रागाच्या भरात गणेशने रवींद्रचा काटा काढला. ज्या ठिकाणी हा खून झाला त्या ठिकाणी आरोपीचा मोबाईल सापडला. गुन्हा घडला तेव्हा पासून गणेश हा गावातून फरार होता.