Crime News: मुलीला मारण्याची धमकी देत विवाहितेवर अत्‍याचार; अत्याचार अन्‍य घटनेचाही गुन्‍हा दाखल

औरंगाबाद : विवाहित महिलांवरील अत्याचारांच्या दोन वेगवेगळ्या घटनांनी औरंगाबाद हादरले आहे. याप्रकरणी पोलिसात (Police) गुन्हा दाखल करण्यात आला. पोलिसांकडून तपास सुरू आहे. (Live Marathi News)

पहिल्या घटनेत तुझ्या लहान मुलीला मारुन टाकील अशी धमकी देऊन आरोपीने विवाहित महिलेवर कन्नड- औरंगाबाद (Aurangabad) रस्त्यावरील पाणपोई फाटा येथील लॉजवर बलात्कार केल्याची (Crime News) घटना घडली. याप्रकरणी कन्नड शहर पोलीस ठाण्यात आरोपीविरुद्ध गुन्हा दाखल करण्यात आला आहे. सुधीर अनिल थेटे असे गुन्हा दाखल केलेल्या आरोपीचे नाव आहे.

दुसऱ्या घटनेत फुलंब्री पोलीस ठाणे हद्दीतील नायगाव येथे राहणाऱ्या २९ वर्षीय विवाहित महिलेवर दीड वर्षांपासून अत्याचार झाला होता. या प्रकरणी संबंधीत व्यक्तीवर बलात्काराचा गुन्हा दाखल करण्यात आला. सय्यद शफी असे फुलंब्री पोलीस ठाण्यात गुन्हा दाखल झालेल्या आरोपीचे नाव आहे.