Nagpur Hit and Run : भाजपच्या नेत्याच्या मुलाच्या ऑडीने ३ वाहनांना उडवले, २ जणांना ठोकल्या बेड्या!

नागपूरमध्ये एका महागड्या ऑडी कारचालकाने तीन वाहनांना उडविल्याची घटना रविवारी मध्यरात्री साडे बाराच्या वाजताच्या सुमारास घडली. याप्रकरणी सीताबर्डी पोलिसांनी अर्जुन जितेंद्र हावरे (वय २४, रा. खामला) आणि रोनित चिंतमवार (वय २७, रा. मनीषनगर) यांच्याविरुद्ध गुन्हा नोंदविला आहे. सोमवारी दोन जणांना पोलिसांनी ताब्यात घेतलेय. घटनेत सुदैवाने जीवित हानी झाली नाही.

पोलिसांनी दिलेल्या माहितीनुसार, अर्जुन हा महागडी ऑडी कार चालवीत होता. त्याच्या बाजूला रोनित बसला होता. दोघेही रामदासपेठ सेंट्रल बाजार रोडने जात असताना वेगामुळे अर्जुनचे गाडीवरील नियंत्रण सुटले. त्याने रस्त्यावर असलेल्या दोन कारला धडक दिली. त्यानंतर एका दुचाकीला उडविले.

अपघातानंतर कारचालक फरार झाला. ही घटना सीसीटीव्हीमध्ये कैद झाली. ही महागडी ऑडी कार भाजपचे प्रदेशाध्यक्ष चंद्रशेखर बावनकुळे यांचा मुलगा संकेत याच्या नावावर आहे. घटनेच्या वेळी संकेतचा मित्र अर्जुन गाडी चालवत होता. दरम्यान, ऑडी कारमध्ये राज्यातील दिग्गज भाजप नेत्याचा मुलगा असल्याची जोरदार चर्चा आहे. शिवसेना (ठाकरे गट) नेत्या सुषमा अंधारे यांनी तसा आरोपही केला आहे. पण पोलिसांकडून अद्याप याला दुजोरा नाही. अपघातग्रस्त ऑडी कार पोलिसांनी जप्त केली आहे.

सुषमा अंधारेंचा आरोप काय ?

चंद्रशेखर बावनकुळे काय म्हणाले ?