पुत्रदा एकादशी निमित्त विठ्ठल मंदिरात फुलांची आकर्षक सजावट

पंढरपूर : श्रावणी पुत्रदा‌ एकादशीच्या निमित्ताने आज पंढरपूर येथील विठ्ठल-रुक्मिणी मंदिरात विविध देशी-विदेशी फुलांची आकर्षक सजावट करण्यात आली आहे. रांजणगाव येथील भाविक नानासाहेब पाटील ‌यांच्या वतीने ही सजावट करण्यात आली आहे.

हे देखील पहा -

मंदिराचा गाभारा, प्रवेश द्वार, सोळखांबी, सभामंडप यासह संपूर्ण मंदिर विविध फुलांनी सजविण्यात आले असून अत्यंत आकर्षक सजावटीमुळे मंदिरातील वातावरण देखील फुलून गेल्याचे चित्र आहे.

झेंडू, आर्किड, कारनेशियन, शेवंती, कामिनी, एथोरीयम, गुलाब,‌ आष्टर,‌ जिप्सोफेलिया,‌ तुळस, गड्डी फुले आशा 800 किलो देशी‌ विदेशी फुलांचा आणि पानांचा वापर करुन मंदिर सजवले आहे. रंगबेरंगी‌ फुलांच्या सजावटी मुळे देवाचे‌‌ रुप‌ अधिकच खुलून दिसत आहे.

Edited By : Krushnarav Sathe