पिकविम्यासाठी जिल्ह्यातील विविध मागण्यांसंदर्भात शेतकरी पुत्रांचा आसूड मोर्चा

बीड: बीडमध्ये पिकविम्यासह शेतकऱ्यांच्या हक्काच्या मागण्यासाठी, शेतकरी (Farmers) पुत्रांसह शेतकरी चांगलेच आक्रमक झाले आहेत. आज शेतकरी नेते धनंजय गुंदेकर यांच्या नेतृत्वाखाली हजारो शेतकऱ्यांनी आसूड घेऊन रस्त्यावर उतरत मोर्चा काढला आहे. यावेळी बीड (Beed) शहरातील छत्रपती शिवाजी महाराज चौकापासून निघालेला हा मोर्चा नगर रोड मार्गे जिल्हाधिकारी कार्यालयावर (Collector Office) धडकला आहे.

हे देखील पाहा-

यावेळी 2020 आणि 21 चा हजारो शेतकऱ्यांचा रखडलेला पिक विमा तात्काळ द्यावा, रखडलेले अतिवृष्टी अनुदान देण्यात यावे, शेती क्षेत्राला पूर्णवेळ वीजपुरवठा देण्यात यावा. यासह विविध मागण्यांसाठी आज शेतकरी पुत्रांसह शेतकरी आक्रमक झाले आहेत. दरम्यान येणाऱ्या 10 दिवसांमध्ये पीकविम्याचा प्रश्न जर मार्गी लावला नाही, तर गावखेड्यातील 10 हजार शेतकऱ्यांसह थेट शेतीच्या (Agriculture) बांधावर उपोषण करु, असा इशारा शेतकऱ्यांनी यावेळी दिला आहे.

Edited By- Digambar Jadhav