Ashok Chavan: माजी मुख्यमंत्र्यांना संपवण्याचा डाव? अशोक चव्हाण प्रकरणाची मुख्यमंत्री शिंदेंकडून दखल

Ashok Chavan: मुंबई आणि नांदेडमध्ये माझ्यावर पाळत ठेवली जात असल्याची तक्रार अशोक चव्हाण यांनी नांदेड जिल्हा अधीक्षकांना भेटून दाखल केली आहे.
Ashok Chavan
Ashok ChavanSAAM TV

Ashok Chavan: माजी मुख्यमंत्री अशोक चव्हाण यांनी त्यांचा घातपात घटवण्याचे कारस्थान सुरु असल्याचा खळबळजनक दावा केला होता. मुंबई आणि नांदेडमध्ये माझ्यावर पाळत ठेवली जात असल्याची तक्रार त्यांनी नांदेड जिल्हा अधीक्षकांना भेटून दाखल केली आहे. त्यानंतर आता राज्याचे मुख्यमंत्री एकनाथ शिंदे यांनी या प्रकरणाची दखल घेतली आहे. मुख्यमंत्र्यांनी अशोक चव्हाण यांना करून कारवाई करण्याचे आश्वासन दिले आहे.

'मुंबई आणि नांदेडमध्ये माझ्यावर खासगी वा भाडोत्री व्यक्तींकडून पाळत ठेवली जात असून सदरहू व्यक्ती पाठलाग करून माझ्या भेटीगाठींची, प्रवासाची माहिती संकलित करीत असल्याचे दिसून येते. यावरून माझा घातपात घडवण्याचे त्यांचे कारस्थान असावे अशीही शक्यता आहे' असा संशय व्यक्त करत पोलिसांत तक्रार दाखल केली आहे. (Latest Marathi News)

Ashok Chavan
Vardha News: पोलिसांची कौतुकास्पद कामगिरी! आईवरील रागापोटी घर सोडलेल्या अल्पवयीन मुलीला 10 तासात शोधलं

अशोक चव्हाणांची ट्विटरवर माहिती...

अशोक चव्हाण यांनी ट्वीट करून म्हटले की, "मी सार्वजनिक बांधकाम मंत्री असतानाच्या काळातील काही शासकीय पत्रे मिळवून अज्ञात व्यक्तींनी त्यातील सही कायम ठेवून व मूळ मजकूर मिटवून बनावट कोरे लेटरहेड तयार केले आहे. या बाबीची कुणकुण मला अगोदरच लागली होती. फक्त स्वाक्षरी असलेले एक कोरे लेटरहेडही मला मिळाले होते.

त्यामुळे मी यापूर्वीच जिल्हा पोलीस अधीक्षक श्रीकृष्ण कोकाटे यांची भेट घेऊन हा प्रकार त्यांच्या निदर्शनास आणून दिला होता. त्यानुसार त्या प्रकरणाची ३१ जानेवारीपासून पोलीस चौकशीही सुरू झाली आहे.

आज अशाच बनावट कोऱ्या लेटरहेडवर मराठा आरक्षणासंदर्भात तत्कालीन मुख्यमंत्री उद्धव ठाकरे यांना लिहिलेले एक खोटे पत्र मिळाल्याने मी तातडीने नांदेडचे अतिरिक्त पोलीस अधीक्षक अभिनाश कुमार यांची भेट घेऊन याबाबत लेखी तक्रार दाखल केली."

Ashok Chavan
Ashok Chavan: 'माझा विनायक मेटे करण्याचा डाव...' अशोक चव्हाणांच्या विधानाने खळबळजनक

"ज्याअर्थी माझ्या सहीचे बनावट पत्र तयार करण्यात आले, त्याअर्थी पुढील काळात खोटे दस्तऐवज तयार करून त्यांचा गैरवापर होण्याची शक्यता आहे. आगामी काळात अनेक निवडणुका असून, राजकीय दृष्ट्या प्रतिमाहनन व जनतेत गैरसमज निर्माण करण्यासाठी हे बनावट दस्तऐवज तयार केले असावेत, असा माझा संशय आहे.

बनावट पत्रे तयार करून विविध समाजात शंका-कुशंका निर्माण करून सामाजिक शांतता तसेच कायदा व सुव्यवस्था भंग करण्याचाही प्रयत्न असू शकतो. सदर बाबीचे गांभीर्य व त्याचे संभाव्य परिणाम लक्षात घेता या प्रकरणी तातडीने गुन्हा दाखल करावा, अशी माझी मागणी आहे.

त्याचप्रमाणे मुंबई आणि नांदेडमध्ये माझ्यावर खासगी वा भाडोत्री व्यक्तींकडून पाळत ठेवली जाते आहे. सदरहू व्यक्ती पाठलाग करून माझ्या भेटीगाठींची, प्रवासाची माहिती संकलित करीत असल्याचे दिसून येते. यावरून माझा घातपात घडवण्याचे त्यांचे कारस्थान असावे, अशीही शक्यता आहे."

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com