Bhandara : वैनगंगा नदीत आढळला खराडीतील युवतीचा मृतदेह

Bhandara : भंडारा शहराजवळच्या वैनगंगा नदीत (wainganga river) एका युवतीचा मृतदेह मंगळवारी सायंकाळच्या सुमारास तरंगताना आढळून आला आहे. ही युवती खराडी येथील असून तिच्या मृत्यू प्रकरणी पाेलिसांनी आकस्मिक मृत्यू अशी नाेंद केली आहे.

या घटनेबाबत पाेलिसांनी दिलेल्या माहितीनूसार संबंधित युवतीचे नाव अर्पिता धनराज गजभिये (arpita gajbhiye) असे आहे. ती खराडी येथे राहते. भंडारा (bhandara) येथील एका लॅबमध्ये ती दररोज प्रशिक्षणासाठी येत होती. नेहमीप्रमाणे प्रशिक्षणासाठी जात असल्याचे सांगून ती घरा बाहेर पडली.

दरम्यान सायंकाळपर्यंत ती घरी न आल्याने तिच्या कुटुंबियांनी शाेधा शाेध केली. एका युवतीचा मृतदेह वैनगंगा नदीच्या लहान पुलाजवळ तरंगताना काही नागरिकांना आढळला हाेता. हा मृतदेह अर्पिताचा हाेता. याप्रकरणी भंडारा शहर ठाण्यात आकस्मिक मृत्यूची नोंद करण्यात आली आहे. तिच्यामागे आई-वडील, भाऊ, बहीण असा परिवार आहे. तिच्या या दुर्देवी मृत्युने हळहळ व्यक्त केली जात आहे.

Edited By : Siddharth Latkar