मोबिन खान
शिर्डी : देशातूनच नव्हे तर जगभरातून लाखो भाविक शिर्डीतील साईबाबांच्या (Shirdi Saibaba) दर्शनासाठी येतात. साईचरणी नतमस्तक होऊन मनातील अध्यात्मिक भाव साईबाबांना अर्पण करत असतात. शिर्डीतील साईबाबा देवस्थानला दर्शनासाठी आलेले भाविक नेहमीच दानधर्म करत असतात. आंध्रप्रदेशातील बापटला येथील एका साईभक्ताने ७७० ग्रॅम वजनाचा ३६ लाख ९८ हजार ३१० रुपये किंमतीचा सोन्याचा मुकुट (Gold Crown) साईचरणी अर्पण केला आहे. एवढच नाही तर ६२० ग्रॅम वजनाचे ३३ हजार ४८० रुपये किंमतीचे चांदीचे ताटही देणगी स्वरुपात दिलं आहे. अन्नम सतिष प्रभाकर असं या साईभक्ताचं नाव आहे. अन्नम ही देणगी साईबाबा संस्थानच्या मुख्‍य कार्यकारी अधिकारी भाग्‍यश्री बानायत यांच्याकडे सुपूर्द केली आहे.
शिर्डीच्या साईबाबांना सोन्याची आभुषणं देण्याचे प्रमाण सातत्याने वाढत आहे. आंध्रप्रदेशातील बापटला येथील दानशूर साईभक्‍त अन्नम सतिष प्रभाकरने साईचरणी मोठी देणगी अर्पण केली आहे. जवळपास ३७ लाख रुपये किमतीचा सोन्याचा मुकूट साईचरणी अन्नमने अर्पण केला आहे. त्याने दिलेल्या या देणगीची सर्वत्र चर्चा होत आहे. यापूर्वीही साईभक्तांनी सोन्याची आभुषणं साईचरणी अर्पण केली आहेत.
Edited By - Naresh Shende
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.