Dengue Patients : पावसाळा सुरू होताच अमरावती जिल्ह्यात डेंग्यूचे रुग्ण; पाच दिवसात सहा रुग्ण सापडल्याने आरोग्य विभाग सतर्क

अमर घटारे 
अमरावती : पावसाळा सुरु झाल्यानंतर वातावरणातील बदलामुळे आजाराचे प्रमाण वाढत असते. तर साचलेल्या पाण्यात डेंग्यूच्या डासांची उत्पत्ती होऊन डेंग्यूचे रुग्ण सापडत असतात. दरम्यान पावसाळा सुरु झाला असतानाच अमरावती जिल्ह्यात डेंग्यूचे रुग्ण आढळून येत असून पाच दिवसात सहा पॉझिटिव्ह रुग्ण आढळले आहेत. 

पावसाळा सुरू होताच (Amravati) अमरावती जिल्ह्यात कीटकजन्य आजाराने डोके वर काढले आहे. जिल्ह्यात मागील पाच दिवसात सहा डेंग्यू रुग्णांची नोंद झाल्याने जिल्ह्यात एकच खळबळ उडाली आहे. यामध्ये २१ जूनला २ तर 25 जून रोजी चार डेंग्यूचे (Dengue) रुग्ण आढळल्याची माहिती आरोग्य विभागात दिली आहे. यामुळे आरोग्य विभागाकडून आता परिसरात सर्वेक्षणाला सुरवात करण्यात आली आहे. 

आरोग्य विभाग सतर्क 

डेंग्यूच्या प्रादुर्भाव रोखण्यासाठी आवश्यक प्रतिबंधात्मक उपाय योजना आरोग्य विभागाकडून राबविण्यात येत असून नागरिकांनी सुद्धा सतर्क राहावे; असे आवाहन प्रशासनाकडून करण्यात आले आहे. तसेच वारंवार ताप येणे, थंडी भरून येणे, डोके दुखणे, हाडांचे दुखणे, उलट्या होणे इत्यादी आजार असल्यास डॉक्टरांचा सल्ला घ्यावा; असे आवाहन जिल्हा शिल्लक चिकित्सक दिलीप सौंदळे यांनी केले आहे.