Abhijit Adsul : नवनीत राणांच्या निर्णयावर सुप्रीम कोर्ट उशीर का करतेय?; अभिजित अडसूळ यांचा सवाल

 

अमर घटारे 

अमरावती : नवनीत राणा यांच्या जात प्रमाणपत्र संदर्भात २० फेब्रुवारीला सुनावणी आहे. हाय कोर्टाने निकाल देत (Navneet Rana) नवनीत राणा यांचे १४ प्रमाणपत्र हे बोगस आहे. सुप्रीम कोर्टात मात्र २० महिन्यापासून त्यांचे प्रकरण प्रलंबित आहे. मुळात सुप्रीम कोर्टाकडून नवनीत राणा यांच्या निर्णयाबाबत उशीर (Amravati) का केला जात आहे? असा सवाल (Shivsena) शिवसेना शिंदे गटाचे नेते तथा माजी आमदार अभिजित अडसूळ यांनी केला आहे.  (Breaking Marathi News)

अमरावती येथे माध्यमांशी संवाद साधताना माजी आमदार अडसूळ यांनी नवनीत राणा यांच्यावर निशाणा साधला आहे. ते म्हणाले, कि एकीकडे सुप्रीम कोर्ट आदेश देत आहे की १६ आमदारांचा निकाल तीन महिन्यात घेण्यात यावा. दुसरीकडे नवनीत राणांच्या प्रकरणाला सुप्रीम कोर्ट २०-२० महिने लावत आहे. मलाही प्रश्न पडला आहे की सुप्रीम कोर्ट नेमकं कोणाच्या विचारावर चालत आहे; असा सवाल देखील उपस्थित केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

इंडिया आघाडीत शेवटी काँग्रेसचं उरेल 

इंडिया आघाडीमधील जेवढे काही पक्ष आहे, ते मनातल्या मनात एक दिवसासाठी पंतप्रधान होत आहे. कुठेतरी वाटले कि आपले नाव मागे पडत आहे; त्यावेळी त्या पक्षाचे नेते बाहेर पडत आहे. असे करत हळुहळू सर्व पक्ष बाहेर पडतील आणि शेवटी फक्त काँग्रेस उरेल; असा टोलाही त्यांनी लगावला आहे.