Amravati Graduate Constituency : मतमोजणी करणाऱ्या अधिकाऱ्याचं हृदयविकाराच्या झटक्याने मृत्यू; कुटुंबावर दुःखाचा डोंगर

अमर घटारे

Amravati News : अमरावतीतून धक्कादायक वृत्त हाती आलं आहे. अमरावती पदवीधर मतमोजणी केंद्रावर मतमोजणी करणाऱ्या मंडळ अधिकारीचा हृदयविकाराच्या झटक्याने मृत्यू झाला आहे. अमरावतीच्या नेमानी गोडाऊन येथे ही घटना घडली आहे.

मंडळ अधिकारीस हृदयविकाराच्या झटकाचा आल्यानंतर अमरावती पदवीधर मतमोजणी केंद्रावर सर्वच कर्मचारी मदतीला धावले. मात्र, रुग्णालयात दाखल केल्यानंतर उपचारादरम्यान त्यांचा मृत्यू झाल्याची माहिती समोर आली. त्यानंतर अमरावती पदवीधर मतमोजणी केंद्रावर एकच शोककळा पसरली.

मिळालेल्या माहितीनुसार, अमरावती पदवीधर मतमोजणी केंद्रावर मतमोजणी करणाऱ्या नांदगाव खंडेश्वर तालुक्यातील शिवनी येथील मंडळ अधिकारी शाहूराव खडसे यांचा हृदयविकाराच्या झटक्याने मृत्यू झाल्याची धक्कादायक घटना घडली आहे.

सकाळपासून मतमोजणी केंद्रावर सेवा देत होते. मध्यरात्री अचानक छातीत दुखत असल्याने त्यांना उपचारासाठी दाखल जिल्हा सामान्य रुग्णालयात (Hospital) दाखल केले. उपचारादरम्यान शाहूराव खडसे यांचा मृत्यू झाल्याची माहिती समोर आली आहे.

नेमकं काय घडलं?

अमरावती (Amravati) पदवीधर मतमोजणी केंद्रावर मतमोजणी करणाऱ्या नांदगाव खंडेश्वर तालुक्यातील शिवनी येथील मंडळ अधिकारी शाहूराव खडसे हे सेवा देत होते. शाहूराव हे सकाळपासून मतमोजणी केंद्रावर सेवा देत होते.

मात्र, मध्यरात्री अचानक छातीत दुखत असल्याने त्यांना जिल्हा सामान्य रुग्णालयात उपचारासाठी दाखल केले. मात्र, रुग्णालयात दाखल केल्यानंतर शाहूराव खडसे यांचा उपचारादरम्यान त्यांचा मृत्यू झाला.

शाहूराव यांच्या मृत्यूची वार्ता मतमोजणी केंद्रातील कर्मचाऱ्यांना कळताच सर्वत्र एकच शोककळा परसरली. शाहूराव खडसे यांच्या मृत्यूने त्यांच्या कुटुंबावर दु:खाचा डोंगर कोसळला आहे.