Amravati Crime News: बस का थांबवली नाही? संतापलेल्या प्रवाशांकडून चालकाला मारहाण; अमरावतीमधील धक्कादायक घटना

अमर घटारे

Amravati:

दर्यापूर ते अमरावती मार्गावरील खोलापूर फाट्याजवळ दादागीरी आणि मारहाणीची एक घटना समोर आलीये. एका प्रवाशाने बस चालकाला लोखंडी रॉडने बेदम मारहाण केलीये. सदर घटनेबाबत पोलिसांत तक्रार दाखल केली असून पोलीस आरोपीचा शोध घेत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, बस चालकाने खोलापूर फाट्याजवळ बस का थांबवली नाही? म्हणून पाठलाग करून बस चालकावर लोखंडी पाईपने हल्ला करण्यात आलाय. यात बसचालक गंभीर जखमी झालेला आहे.

अकोट बस स्थानकाची बस क्रमांक एम एच 40 वाय 5714 चे चालक अमोल गावंडे (राहणार आकोट) येथून ते नागपूरला बस घेऊन जात असतात. खोलापूर फाट्याच्या आज इस्तेमा सुरू होता. त्या ठिकाणी 10 ते 15 लोकांनी बस थांबवण्यास सांगितले. मात्र त्या ठिकाणी बसस्टॉप नसल्यामुळे चालकाने बस थांबवली नाही.

त्यामुळे बसचा दोन ते तीन अज्ञात इसमांनी पाठलाग केला अन् बस थांबवली. बस चालकासोबत बस का थांबवली नाही म्हणून बाचाबाची सुरू केली. या दरम्यान त्यातीलच एका आरोपीने मागून येऊन बस चालकावर पाईपाने अचानक हल्ला केला. यात चालकाच्या चेहऱ्याला गंभीर जखम झाली.

त्यावेळी घटनास्थळी खोलापूर पोलीस स्टेशनचे ठाणेदार वर्गे हे वेळेवर हजर झाल्यामुळे पुढील अनर्थ टळला. सदर बस ही पोलिसांनी पोलीस ठाण्यात नेल्यानंतर चालकाच्या फिर्यादनुसार अज्ञात आरोपीवर गुन्हा दाखल करण्यात आलाय. तसेच आरोपींचा शोध घेणे सुरू असल्याचे पोलीस प्रशासनाने सांगितले आहे.