अमर घटारे, प्रतिनिधी...
Chinchkhed Crime News: अमरावती जिल्ह्यातून एक हादरवुन सोडणारी घटना उघडकीस आली आहे. अमरावतीच्या चिचखेडा येथील नवविवाहित जोडप्याने आत्महत्या केल्याचे समोर आली आहे. या धक्कादायक घटनेने परिसरात एकच खळबळ उडाली आहे. आत्महत्या केलेल्या जोडप्याचा १० महिन्यांपूर्वीच प्रेमविवाह झाल्याचे समोर आले आहे. ज्यामुळे सर्वत्र हळहळ व्यक्त केली जात आहे.
याबाबत अधिक माहिती अशी की, अमरावती (Amravati) जिल्ह्यातील चिचखेडा येथील नवविवाहित जोडप्याने वझ्झरच्या प्रकल्पात आत्महत्या करून आपले जीवन संपले. तुलसी बारावे व विक्की बारवे असे आत्महत्या केलेल्या दोघांची नावे आहेत.
या धक्कादायक घटनेने संपूर्ण तालुक्यात एकच खळबळ उडाली आहे. तुलसी व विक्कीचा दहा महिन्यांपूर्वीच प्रेमविवाह झाला होता. तुलसी व विक्की या दोघांनी प्रेम विवाह केल्यामुळे परिवारांमध्ये थोडी नाराजी असल्याचेही समोर आले आहे. (Latest Marathi News)
दरम्यान, विक्की हा शेती काम करून ट्रॅक्टर चालकाचे काम करत होता. एका वर्षाआधी त्याच्या वडिलांचे निधन झाल्याने संपूर्ण कुटुंबाची जबाबदारी विक्कीवर होती. मात्र आता दोघाही पती-पत्नीने आत्महत्या केल्याने खळबळ उडाली आहे. पती पत्नीने हे टोकाचे पाऊल का उचलले असावे? असा प्रश्न आता उपस्थित होत आहे. या संपूर्ण घटनेचा तपास अचलपूर पोलीस करत आहेत. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
