अमरावती : गत तीन महिन्यांपासून एसटी कर्मचाऱ्यांचा संप सुरू आहे. अद्यापही संप मिटलेला नाही. त्यामुळे पूर्णत: बस रस्त्यावर थावत नाहीत. जिल्ह्यात शिवशाहीच्या ४५ बस एकाच जागेवर उभ्या आहेत. यामुळे मेंटेनन्सचा खर्च वाढला असून ही बाब महामंडळाला (MSRTC) डोकेदुखी ठरत आहे. (amaravati news Closed Shivshahi buses are a headache)
राज्य परिवहन महामंडळाचे राज्य शासनात विलिनीकरण करावे या मागणीसाठी कर्मचाऱ्यांनी तीन महिन्यांपासून संप (St Strike) पुकारला आहे. या संपामुळे प्रवाशांचे हाल होत आहेत. दुसरीकडे महामंडळालाही आर्थिक भुदंड सहन करावा लागत आहे. बसेस उभ्या असल्याने मेंटनन्सचा खर्च वाढला आहे. (Amaravati) महामंडळाला महिन्याला मेटेंनन्ससाठी दीड ते दोन लाख रुपये खर्च येत असल्याचे महामंडळाच्या सूत्रांनी सांगितले.
दिवसातून एकदा सुरु करावीच लागते बस
तीन महिन्यांपासून एसटी कर्मचाऱ्यांचा (St Employee) संप सुरूच असल्याने जिल्ह्यातील बस बंदच आहेत. बस एकाच जागी उभ्या असल्यास त्यातील मेंटेनन्स ठेवावे लागते. काही बस बंदही पडतात. त्या बसला दिवसातून एकदा सुरु करावे लागतात. आगारातील स्पेअर पार्ट चोरीला जाऊ नयेत, कोणतेही साहित्य बाहेर जाऊ नये, अनोळखी व्यक्ती आत येऊ नये यासाठी प्रत्येक आगारात सुरक्षा रक्षकांची नेमणूक करण्यात आलेली आहे. त्यामुळे चोरीचा प्रकार घडत नसला तरी मेंटेनन्स खर्च वाढला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
