Cotton : कापूस खरेदी बंद, ताेडगा न निघाल्यास वाद चिघळण्याची शक्यता

Akola News : पश्चिम विदर्भातील कापसाची सर्वात मोठी बाजारपेठ म्हणून ओळख असलेल्या अकोल्यातील अकोट (akot) बाजार समितीत कापूस हर्रासीवेळी बाजार समितीच्या कर्मचाऱ्यांनी सौदापट्टीवर हलका माल वापस अशी नोंद करण्यास नकार दिला. त्यामुळे व्यापाऱ्यांनी बाजार समितीमधील कापूस हर्रासी सहा डिसेंबर रोजी बंद केली होती. (Maharashtra News)

त्यामुळे आठ दिवसांपासून कापूस खरेदी बंद असल्याने शेतकरी, बाजार समिती व व्यापाऱ्यांना झळ पोहोचत आहे. दरम्यान, कापूस खरेदीकडे जिल्हा उपनिबंधक यांनी गांभीर्याने लक्ष देण्याची गरज आहे. कापूस खरेदी बंद असल्याने परिस्थिती चिघळण्याची शक्यता अधिक आहे.

अकोट कृषी उत्पन्न बाजार समितीने कापूस खरेदी प्रकरणात कारणे दाखवा नोटीस दिल्यानंतर आठ डिसेंबरला वीस कापूस व्यापाऱ्यांचे परवाने निलंबित केले होते. मात्र त्यानंतर आतापर्यंत बाजार समिती बंद असल्याने शेतकऱ्यांना (farmers) खाजगी व्यापाऱ्याकडे कमी भावात कापूस विकावा लागत आहे. त्यामुळे शेतकऱ्यांचे नुकसान होत आहे.

Edited By : Siddharth Latkar