Akola Dabaki Road Bike Accident: अकोला जिल्ह्यातून भीषण अपघाताची घटना समोर आली आहे. अकोल्यातील डाबकी रोडवरील महालक्ष्मी नगराजवळ सुरू असलेल्या निर्माणधीन पुलावर भरधाव दुचाकीचा अपघात झाला. चालकाचे नियंत्रण सुटल्यानंतर दुचाकी थेट पुलावर आदळली या अपघातात दुचाकीवर मागे बसलेली तरुणी जागीच ठार झाली आहे. (Latest Marathi News)
तर दुचाकीस्वार तरुण गंभीर जखमी झाला आहे. ही घटना गुरुवारी पहाटे ४ वाजेच्या सुमारास घडली असून, या प्रकरणात डाबकी रोड पोलिसांनी गुन्हा दाखल केला आहे. डाबकी रोडकडून शेगावकडे जाणाऱ्या मार्गावर दोन वर्षांपासून पुलाचे बांधकाम सुरू आहे. बांधकामात दिरंगाई होत असल्याने, या ठिकाणी सातत्याने अपघातांच्या मालिका घडत आहेत. (Breaking Marathi News)
गुरुवारी पहाटे ४ वाजण्याच्या सुमारास दुचाकीने हातरूण (Akola News) येथे अंकित जानराव डोंगरे (वय २६) आणि त्याची मैत्रिण राणी मंगेश सावंत (२४, रा. छिंडवाडा, ह. मु. शिवणी) हे दोघे जात असताना, भरधाव दुचाकी बांधकाम सुरू असलेल्या पुलावर आदळली. यात राणी सावंत हिचा जागीच मृत्यू झाला.
तर अंकित डोंगरे हा गंभीर जखमी झाला. या घटनेची (Accident) माहिती मिळताच, डाबकी रोड पोलिस ठाण्याचे कर्मचारी घटनास्थळावर पोहोचले. पोलिसांनी नागरिकांच्या मदतीने तरुणीचा मृतदेह व जखमी तरुणाला सर्वोपचार रुग्णालयात पाठविले. या घटनेनं परिसरातून हळहळ व्यक्त होत आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.