Akola Crime : घरासमोर गाडी लावण्यावरून वाद; दोन गट आले समोरासमोर, दगडफेकीनंतर तणाव

अक्षय गवळी 

अकोला : अकोल्यातल्या जुने शहर असलेल्या परिसरात मध्येरात्रीच्या सुमारास दोन गट आमनेसामने आल्याचा प्रकार घडला. घरासमोर गाडी उभी करण्यावरून झालेल्या वादानंतर दोन परिवारातील या वादाचे रूपांतर दोन गट समोरासमोर येण्यापर्यंत आला होता. या दरम्यान किरकोळ दगडफेक देखील झाल्याचे समजत आहे. मात्र सुदैवाने पोलिसांनी लागलीच घटनास्थळीत धाव घेत परिस्थिती नियंत्रणात आणली आहे. यामुळे पुढील मोठा वाद टळला आहे. 

अकोला शहरातील जुने शहर या भागात सदरची घटना रात्रीच्या सुमारास घडली आहे. दारात गाडी ठेवण्यावरून समोरासमोर राहणाऱ्या भिन्न समुदायातील दोघांत सुरुवातीला वाद झाला. वादाचे पर्यावरण भांडणात झाले. यामुळे दोघांनी आपल्या परिचयातील काही जणांना बोलावून घेतले होते. यामुळे दोन समुदायांत दंगल सदृश परिस्थिती निर्माण झाली होती. 

वेळीच पोलीस आल्याने परिस्थिती नियंत्रणात 

जुने शहर पोलिस स्टेशन हद्दीतील भांडपुरा चौक येथे रात्री उशिरा हा वाद निर्माण होऊन दोन गटात किरकोळ कारणावरून तणाव निर्माण झाला होता. या वादात काहींनी दगडफेक केली असल्याचे देखील समजत आहे. मात्र तणाव वाढण्यापूर्वीच सुदैवाने पोलिस दाखल झाले. यानंतर त्यांनी वेळीच परिस्थिती नियंत्रणात आणली. यामुळे शहरात मोठी दंगल निर्माण होण्याची परिस्थिती झाली होती. 

परिसरात तगडा बंदोबस्त 

जुने शहरातील भांडपुरा चौक हा परिसर वादग्रस्त असल्याने येथे तगडा पोलिस बंदोबस्त लावला गेला होता. रात्री उशिरा आरसीपी व दंगल नियंत्रण पथक घटनास्थळी तैनात करण्यात आले. सद्यस्थितीत घटनास्थळी तणावपूर्ण शांतता आहे. कुठल्याही अफवांवर विश्वास ठेवू नये, अस आवाहन पोलिसांनी केले आहे.