Ajit Pawar On Anjali Damania : अंजली दमानियांच्या वक्तव्यावर अजित पवारांची प्रतिक्रिया; एका वाक्यातच विषय संपवला

Political News : विरोधी पक्षनेते अजित पवार भाजपबरोबर जाणार असल्याचं ट्वीट सामाजित कार्यकर्त्या अंजली दमानिया यांनी केलं होतं. त्यांनी केलेल्या या दाव्यामुळे राजकीय वर्तुळात एकच खळबळ उडाली. दमानियांच्या या दाव्यावर आता अजित पवार यांनी स्वत: प्रतिक्रिया दिली आहे. (Ajit Pawar)

काय म्हणाले अजित पवार?

बुधवारी पत्रकारांशी संवाद साधताना अजित पवारांना अंजली दमानियांच्या वक्तव्याविषयी प्रश्न विचारण्यात आले. त्यावेळी ते म्हणाले की, एवढ्या मोठ्या व्यक्तीबद्दल माझ्यासारखा छोटा कार्यकर्ता काय सांगणार, असं म्हणत अजित पवारांनी यावर अधिक बोलणं टाळलं.

तसेच भाजप पदाधिकारी रविंद्र सळगावकर यांनी अजित पवारांविरोधात पोलीस ठाण्यात तक्रार दाखल केली आहे. अजित पवार यांच्याकडून आपल्या जीवाला धोका असल्याचं त्यांनी यात म्हटलं आहे.

यावर स्पष्टीकरण देताना अजित पवार म्हणाले की, "कोणाच्याही जीवाला धोका असेल तर संरक्षण द्यावे. पोलिसांनी त्यांना संरक्षण द्यावे. माझ्यामुळे धोका होईल असं वाटतं का? मी कायदा पळणारा नेता आहे. राजकीय धोका असू शकतो, शारीरिक धोका असू शकत नाही." असं अजित पवार म्हणाले.