Maharashtra News Live Update: नसरापूर अत्याचार प्रकरणी येत्या १५ दिवसांत आरोपपत्र दाखल होणार

धाराशिव मध्ये सलग चार दिवसापासून पेट्रोल डिझेलची टंचाई

टंचाईचा शेती कामांना मोठा फटका,पेरणीपूर्व मशागतीची काम खोळंबली

डिझेल नसल्याने ट्रॅक्टरची चाक जाग्यावरच, मोठ्या प्रमाणात नांगरणी बाकी

शेतकऱ्याच्या ट्रॅक्टर मालकाकडे येरझाऱ्या नांगरणी बाकी,

ट्रॅक्टर चालक डिझेलच्या प्रतीक्षेत, शेतातील नांगरणीची काम थांबली

अनेक पेट्रोल पंपावर ट्रॅक्टर मालकांच्या रांगा

नागपूर शहर पोलीस दलातील सायबर पोलीस ठाण्याचे पोलीस निरीक्षकांसह नऊ जणांचे निलंबन

एकाच वेळी 9 जणांवर निलंबनाच्या कारवाईमुळे नागपूर पोलीस दलात खळबळ उडाली आहे...

नागपूर पोलीस आयुक्त डॉ. रवींद्र कुमार सिंगल यांनी ही कारवाई केली आहे...

पाचशे रुपयांच्या बॅटिंगच्या एका फसवणुकीच्या प्रकरणात वरिष्ठांची परवानगी न घेता सायबर पोलीस ठाण्याच्या अधिकाऱ्यांनी थेट मुंबई पुण्यापर्यंत तपास केला.

पवनी तालुक्यातील नेरला परिसरात गेल्या काही दिवसांपासून दहशत माजविणाऱ्या आणि तब्बल २६ शेळ्यांचा कर्दनकाळ ठरणाऱ्या बिबट्याला अखेर वनविभागाने जेरबंद करण्यात यश मिळवले आहे. अड्याळ जवळील नेरला २६ शेळ्यांचा फडशा पाडल्यानंतर जवळील कालव्याच्या सिमेंट पाईपमध्ये बिबट्याने आश्रय घेतला होता. पाईपमध्ये लपलेल्या बिबट्याला बाहेर काढणे मोठे आव्हान होते. मात्र रात्री त्याला सुरक्षितरित्या जेरबंद करण्यात यश आले. बिबट्याला जेरबंद करून वैद्यकीय तपासणी प्रक्रियेनंतर त्याला पुन्हा नैसर्गिक अधिवासात सोडण्यात आलं.

धाराशिव जिल्ह्यात पेट्रोल व डिझेलचा कृञिम तुटवडा निर्माण करून जादा दराने विक्री होत असल्याच्या तक्रारी

प्रशासनाने तातडीने हस्तक्षेप करून परिस्थिती नियंत्रणात आणावी व गैरप्रकारांवर कारवाई करावी

धाराशिवचे खासदार ओमराजे निंबाळकर यांची जिल्हाधिकारी व प्रादेशिक व्यवस्थापक यांच्याकडे मागणी

सर्वसामान्य नागरिकांसह शेतकरी वर्गाची आर्थीक पिळवणूक,शेती कामांनाही बसतोय फटका

प्रत्येक पेट्रोल पंपावर इंधन साठ्याची पारदर्शक माहिती जाहीर करावी, खासदार ओमराजे निंबाळकर यांची पञाद्वारे मागणी

९ वर्षाच्या मुलीवर लैंगिक अत्याचार करणाऱ्या "नराधम आजोबा" वर गुन्हा दाखल

"नराधम आजोबा" ला ठोकल्या पोलिसांनी बेड्या

पुण्यातील पर्वती मध्ये झालेल्या प्रकरणात नराधमाला अटक

९ वर्षाच्या चिमुरडीवर लैंगिक अत्याचार करणाऱ्या विरोधात पॉक्सो अंतर्गत गुन्हा दाखल

दारूच्या नशेत "आजोबाकडून" चिमुरडीवर लैंगिक अत्याचार

रात्री उशिरा या ज्येष्ठ व्यक्तीवर लैंगिक अत्याचार केल्याप्रकरणी कारवाई

पुण्यातील नवले पुलासह शहरातील संवेदनशील ठिकाणी आंदोलनास मनाई

नसरापूर येथील घटनेनंतर नवले पुलावर झालेल्या ठिय्या आंदोलनानंतर पोलिस आयुक्त अमितेश कुमार यांचा निर्णय

शहरातील सर्व संवेदनशील ठिकाणी आंदोलन आणि ‘रास्ता रोको’ करण्यास मनाई

नसरापूर येथे घडलेल्या दुर्दैवी घटनेच्या निषेधार्थ नागरिकांनी एकत्र येत अचानक नवले पूल परिसरात ठिय्या आंदोलन केले होते

अनेकदा आंदोलक ऐकण्याच्या मनःस्थितीत नसतात. परिणामी, कायदा व सुव्यवस्थेचा मोठा प्रश्न निर्माण होतो

यापुढे नवले पूल परिसर तसेच शहरातील कोणत्याही संवेदनशील चौकांमध्ये किंवा रस्त्यांवर आंदोलनास किंवा ‘रास्ता रोको’ला पोलिसांकडून कोणतीही परवानगी दिली जाणार नाही

नसरापूर अत्याचार प्रकरणी येत्या १५ दिवसांत आरोपपत्र दाखल होणार

या प्रकरणातील नराधमाला फाशीसारखी कठोर शिक्षा व्हावी, यासाठी पोलिसांकडून युद्धपातळीवर तपास सुरू

येत्या १५ दिवसांत जिल्हा सत्र न्यायालयात आरोपपत्र दाखल करण्यात येणार असल्याची माहिती

विशेष पथकाकडून फिर्यादी आणि आरोपींच्या नातेवाइकांचे जबाब नोंदविण्याचे काम वेगात सुरू

या नराधमाला कठोर शिक्षा होण्यासाठी पोलिसांकडून भक्कम तांत्रिक व परिस्थितीजन्य पुरावे एकत्रित करण्याचे काम

धाराशिव जिल्ह्यात कोणत्याही प्रकारची इंधन टंचाई नसून सर्व पंपांवर नियमित पुरवठा सुरू आहे.त्यामुळे नागरिकांनी अफवांवर विश्वास ठेवू नये आणि पेट्रोल पंपांवर अनावश्यक गर्दी टाळावी,असे आवाहन धाराशिवचे जिल्हाधिकारी कीर्ती किरण पुजार यांनी केले आहे.इंधन टंचाई निर्माण झाल्याची अफवा काही ठिकाणी पसरत आहे. त्याचा परिणाम म्हणून जिल्ह्यातील अनेक पेट्रोल पंपांवर नागरिकांनी अतिरिक्त साठा करण्यासाठी गर्दी केल्याचे दिसून येत आहे.मात्र,जिल्ह्यात पेट्रोल व डिझेलचा साठा पुरेशा प्रमाणात उपलब्ध असून इंधन पुरवठा पूर्णपणे सुरळीत सुरू असल्याची माहिती जिल्हाधिकारी यांनी दिली आहे.तसेच,जिल्ह्यातील सर्व तालुक्यांमधील पेट्रोल पंपांची सखोल तपासणी करण्याचे आदेशही देण्यात आले आहेत.तपासणीदरम्यान कोणताही दोष आढळल्यास संबंधित पंप चालकांवर दंडात्मक व फौजदारी कारवाई करण्यात येणार आहे.काही अडचण आल्यास नागरिकांनी थेट जिल्हा प्रशासनाशी संपर्क साधावा असे आवाहन प्रशासनाच्या वतीने करण्यात आले आहे.

माण आणि खटाव तालुक्यात पिण्याच्या पाण्याची टंचाई जाणवू लागली असून प्रशासन या गंभीर परिस्थितीकडे दुर्लक्ष करत असल्याचा खळबळजनक आरोप शरद चंद्र पक्षाच्या राष्ट्रवादी काँग्रेस पक्षाचे राज्य प्रवक्ते प्रशांत विरकर यांनी केला आहे. तातडीने टँकरद्वारे पाणीपुरवठा सुरळीत झाला नाही तर जिल्हाधिकारी कार्यालयासमोर गुरे-ढोरे घेऊन आंदोलन करण्याचा इशाराही त्यांनी यावेळी दिला आहे. सध्या माण तालुक्यातील ५५ ते ६० गावांनी प्रशासनाकडे टँकरची अधिकृत मागणी केली आहे. मात्र प्रशासनाने केवळ १७ गावांनाच टँकर मंजूर केले आहेत. उर्वरित गावांतील नागरिकांनी पाणी कोठून आणायचे? असा सवाल त्यांनी उपस्थित केला आहे. ग्रामीण भागात २०० लिटर पाण्यासाठी सर्वसामान्यांना ५० ते १०० रुपये मोजावे लागत आहेत. ही परिस्थिती अत्यंत भयानक आहे. यावेळी त्यांनी मान खटाव विधानसभेचे आमदार तथा मंत्री जयकुमार गोरे यांचे नाव न घेता यांच्यावर निशाणा साधत टीका केलीये "स्वतःला 'जलनायक' म्हणवून घेणाऱ्या नेत्यांच्या तालुक्यात जर जनतेला पाण्यासाठी वणवण फिरावे लागत असेल, तर हे त्यांचे अपयश आहे. केवळ घोषणाबाजी करण्यापेक्षा जमिनीवर उतरून लोकांची तहान भागवणे जास्त महत्त्वाचे असल्याचे यावेळी ते म्हणाले याबाबतचे निवेदन शप चे राज्य प्रवक्ते प्रशांत विरकर यांनी केला आहे

पुण्यातील पर्वती परिसरात नऊ वर्षांच्या मुलीवर तिच्याच आजोबांनी अत्याचार करण्याचा प्रयत्न केल्याची धक्कादायक घटना मंगळवारी रात्री साडेनऊच्या सुमारास उघडकीस आली. या घटनेनंतर नागरिकांकडून पर्वती पायथा परिसरात रात्री उशिरापर्यंत ठिय्या आंदोलन सुरू होते.