धक्कादायक! न्यायालय परिसरातच तरुणाने स्वत:ला पेटवून घेतलं

अहमदनगर : अहमदनगर (Ahmadnagar) जिल्हा न्यायालय परिसरात एक भयंकर घटना घडली आहे. एका तरुणाने जिल्हा न्यायालयाच्या आवारात स्वतः ला पेटून घेतलं आहे. ऋषिकेश विठ्ठल ढवण राहणार बाभुळगाव ता. राहुरी असे त्या तरुणाचे नाव आहे. त्याला पुढील उपचारासाठी जिल्हा शासकीय रुग्णालयात दाखल करण्यात आले आहे. दरम्यान त्याने स्वतःला का पेटून घेतले याची माहिती समोर आली नाही. (Ahmadnagar Latest Marathi News)

मिळालेल्या माहितीनुसार, आज सकाळी जिल्हा न्यायालयाचे दैनिक कामकाज सुरू झाले होते. त्यावेळी ही घटना घडली. ऋषिकेश हा बुधवारी सकाळी (18 मे) जिल्हा न्यायालयात आला होता. यावेळी त्याने स्वतःच्या अंगावर पेट्रोल ओतून घेत पेटून घेतले. अचानक घडलेल्या या घटनेमुळे न्यायालय परिसरात एकच खळबळ उडाली.

दरम्यान, परिसरात तैनात असलेल्या पोलिसांनी ऋषिकेश याला तातडीने रुग्णालयात दाखल केले. सध्या जिल्हा शासकीय रुग्णालयात त्याचावर उपचार सुरू आहे. माझ्यावर खोटा गुन्हा दाखल केला असून मला खोट्या प्रकरणात गुंतवलं असल्याचं या तरुणाचं म्हणणे आहे. या घटनेचा पुढील तपास पोलीस करीत आहेत.

Edited By - Satish Daud