निर्दयी बापाने हात– पाय बांधून मुलाची केली हत्‍या; परस्‍पर विल्‍हेवाट

अहमदनगर : जन्मदात्या पित्याने आपल्या नऊ वर्षे वयाच्या मुलाचे हात पाय बांधून त्‍यास काठीने मारहाण करून हत्या केली. इतकेच नाही तर झाडावरून पडून मुलाचा मृत्यू झाल्याचा बनाव करत परस्पर मृत्यूदेह दफन केल्याची घटना नेवासा तालुक्यातील प्रवरासंगम येथे घडली आहे. (ahamadnagar-news-crime-news-father-tied-the-hands-and-feet-and-killed-the-child)

प्रवरासंगम (ता. नेवासा) येथील सागर शंकर पवार (वय ९) या बालकाच्या मृत्यूची अकस्मात नोंद १३ ऑक्टोंबरला नेवासा पोलिस ठाण्यात करण्यात आली होती. सदर मृत्यूच्या चौकशी दरम्यान मुलाचे वडील शंकर पवार याने १३ ऑक्टोबरला सायंकाळी त्याच्या मुलाचे सागर पवार यांचे हातपाय बांधून काठीने मारहाण केली. तो बेशुद्ध पडल्याने त्याला नेवासा येथे रुग्णालयात नेले.

पण मुलाचा मृत्‍यू

बापाने काठीने केलेल्‍या मारहाणीत मुलगा बेशुद्ध पडला. यानंतर त्‍यास रूग्‍णालयात नेले असताना मुलगा मयत झाल्याचे डॉक्टरांनी सांगितले. मात्र पित्याने परत येऊन परस्पर दफनविधी केला. त्यामुळे मुलाची हत्या करून परस्पर मृतदेहाची विल्हेवाट लावल्याने नेवासा पोलीस ठाण्यात जन्मदात्या पित्यावर खुनाचा गुन्हा दाखल करण्यात आला आहे.