Sangali Nag Panchami : सांगलीकरांची २३ वर्षांची प्रतीक्षा संपली, जिवंत नाग पकडण्याला परवानगी, नेमकं प्रकरण काय?

Sangali Traditional Nag Panchami : शिराळा गावातील नागपंचमीचा पारंपरिक सोहळा २३ वर्षांनंतर पुन्हा जिवंत नागांसह साजरा होणार आहे. सर्वोच्च न्यायालयाने बंदी उठवून २१ शिराळकरांना नाग पकडण्याची परवानगी दिली आहे. यामुळे गावात आनंदाचे वातावरण आहे.
Sangali Traditional Nag Panchami
Sangali Traditional Nag PanchamiSaam Tv
Published On
Summary
  • २३ वर्षांनंतर शिराळ्यात जिवंत नागांच्या पूजेची परवानगी मिळाली.

  • सर्वोच्च न्यायालयाच्या परवानगीनंतर २१ शिराळकरांना नाग पकडण्याचे अधिकार मिळाले.

  • अंबाबाई मंदिर परिसरात भाविकांची मोठी गर्दी उसळली आहे.

  • नागांविषयी माहिती व जनजागृतीसाठी शिराळ्यात प्रबोधन कार्यक्रम राबवले जात आहेत.

नागपंचमीच्या आदल्या दिवशी सांगलीतील शिराळेकरांना राज्य सरकारने आनंदाची बातमी दिली आहे. शिराळेकरांना तब्बल २३ वर्षानंतर त्यांना हवी तशी नागपंचमी साजरी करता येणार आहे. याचे कारण म्हणजे सर्वोच्च न्यायालयाकडून नागपंचमीला जिवंत नागांची पूजा करण्यावरची बंदी हटवण्यात आली असून २१ शिराळकरांना नाग पकडण्याची अधिकृत परवानगी देण्यात आली आहे. यामुळे गावातील नागरिकांमध्ये उत्साहाचं वातावरण निर्माण झाले आहे.

सर्वोच्च न्यायालयाच्या निर्देशांनंतर नागपंचमीला जिवंत नागांची पूजा करण्यावर बंदी घालण्यात आली होती. मात्र यावर्षी केंद्र सरकारकडून विशेष परवानगी मिळाल्यामुळे हा ऐतिहासिक आणि पारंपरिक सोहळा नव्या उत्साहात साजरा होणार आहे. सांगलीतील शिराळेकरांना तब्बल २३ वर्षांच्या प्रतीक्षेनंतर यंदाच्या नागपंचमीला पुन्हा एकदा जिवंत नागांचे दर्शन लाभणार आहे.

Sangali Traditional Nag Panchami
Nag Panchami 2025: नागपंचमीला शिवलिंगावर या ३ गोष्टी अर्पण केल्याने दूर होतात संकटं

विशेष म्हणजे यंदाच्या नागपंचमीपूर्वी २१ शिराळकरांना नाग पकडण्याची आणि त्यांचे संवर्धन करण्याची अधिकृत परवानगी देण्यात आली आहे. ही परवानगी शैक्षणिक अभ्यास, सर्पसंवर्धन, आणि पारंपरिक परंपरा जपण्यासाठी दिली गेली आहे. यानिमित्ताने शिराळ्यातील अंबाबाई मंदिर परिसरात भाविकांची प्रचंड गर्दी उसळली आहे.

Sangali Traditional Nag Panchami
Nag Panchami Wishes 2025 : नागपंचमीनिमित्त तुमच्या प्रियजनांना द्या भक्तीमय शुभेच्छा

शिराळ्यात विविध ठिकाणी नागांविषयी माहिती देणारे प्रबोधनात्मक कार्यक्रम आयोजित करण्यात आले आहेत. नागाचे महत्त्व, पर्यावरणीय भूमिकेबाबत जनजागृती केली जात आहे. त्यामुळे या परंपरेत केवळ धार्मिक नव्हे तर शास्त्रीय दृष्टिकोनही समाविष्ट झाला आहे. शिराळ्यातील नागपंचमी ही महाराष्ट्रातील एक वैशिष्ट्यपूर्ण परंपरा मानली जाते. यंदा केंद्राच्या परवानगीमुळे हा सोहळा अधिक पारंपरिक, शास्त्रीय आणि सश्रद्ध पद्धतीने साजरा होत असल्याने शिराळ्यात आनंदाचे आणि समाधानाचे वातावरण आहे.

Q

शिराळ्यात नागपंचमी विशेष का आहे?

A

शिराळा ही नागपंचमीसाठी प्रसिद्ध असलेली पारंपरिक जागा आहे, जिथे जिवंत नागांची पूजा केली जाते.

Q

गेल्या २३ वर्षांत ही पूजा का थांबवण्यात आली होती?

A

सर्वोच्च न्यायालयाच्या निर्देशांनुसार जिवंत नागांच्या पूजेवर बंदी घालण्यात आली होती.

Q

यंदा नागपंचमी वेगळी का ठरते?

A

केंद्र सरकारने २१ शिराळकरांना नाग पकडण्याची आणि त्यांचे संवर्धन करण्याची विशेष परवानगी दिली आहे.

Q

शिराळ्यात कोणते कार्यक्रम पार पडत आहेत?
नागांविषयी जनजागृतीसाठी विविध प्रबोधनात्मक कार्यक्रम घेतले जात आहेत.

A

नागांविषयी जनजागृतीसाठी विविध प्रबोधनात्मक कार्यक्रम घेतले जात आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com