Eknath Shinde In Adipurukh Viral Tweet: सध्या दिग्दर्शक ओम राऊत यांच्या आदीपुरूष चित्रपटाची सर्वत्र चर्चा होताना दिसत आहे. रामायणावर आधारित असलेल्या या चित्रपटात सैफअली खान, प्रभास, क्रिती सेनॉन आणि देवदत्त नागे अशा आघाडीच्या कलाकारांनी भूमिका साकारल्या आहेत.
सोशल मीडियावर या चित्रपटाची चर्चा होत असतानाच एका नेटकऱ्याने चित्रपटातील एका पात्राची मुख्यमंत्री एकनाथ शिंदेंशी तुलना केल्याने नवा वाद उभा राहिला आहे. यावर आता ठाणे पोलिस काय कारवाई करणार याकडे सर्वांचेच लक्ष लागले आहे.
याबाबत अधिक माहिती अशी की, मुख्यमंत्री एकनाथ शिंदे (Eknath Shinde) यांचा एक फोटो सोशल मीडियावर वसध्या व्हायरल होत आहे. ज्यामध्ये त्यांची तुलना सध्या चर्चेत असलेल्या 'आदिपुरूष' (Adipurush Movie) चित्रपटातील एका पात्राशी केली आहे. तसेच या फोटोसोबत ''एकनाथ शिंदे आदिपुरुषमध्ये आहेत हे माहित नव्हते'', असा कॅप्शनही देण्यात आला आहे.
मुख्यमंत्री एकनाथ शिंदे यांचा फोटो अभय नावाच्या एका सोशल मीडिया युजरने पोस्ट केला आहे.. या ट्विटची माहिती ठाणे पोलिसांना मिळताच त्यांनी कारवाई केली. पोलिसांनी हे ट्विट करणाऱ्या अभय नावाच्या तरुणाचा फोन नंबर मागितला आहे. या प्रकरणामुळे सर्वत्र खळबळ माजली आहे.
नेटकऱ्यांनीही यावर प्रतिक्रिया देताना या तरुणावर कठोर कारवाई करण्याची मागणी केली आहे. तसेच या ट्वीटवर ठाणे पोलिसांच्या ट्विटर हँडलवरुन रिप्लाय करण्यात आला आहे. “तुझा कॉन्टॅक्ट नंबर शेअर कर” असं ठाणे पोलिसांनी कमेंटमध्ये म्हटलं आहे. दरम्यान, ओम राऊतच्या (Om Raut) या चित्रपटावर चौफेर टीका होत असतानाही पहिल्या दिवशी चित्रपटाने चांगली कमाई केली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.