बनावट फेसबुक अकाउंट उघडून महिलेची बदनामी करणाऱ्या आरोपीस अटक

लातूर: काही दिवसापूर्वी लातूर येथे राहणाऱ्या एका महिलेचे फोटो (Photo) व वैयक्तिक माहितीचा वापर करून, अज्ञात आरोपीने (accused) खोटे बनावट फेसबुक (Facebook) अकाउंट ओपन करून त्यावरून पीडित महिलेची बदनामी करून त्रास देत असल्याचे तक्रार दिल्याने पोलीस (Police) ठाणे लातूर ग्रामीण (Rural) येथे गुन्हा दाखल करण्यात आला होता.

हे देखील पहा-

पोलीस अधीक्षक श्री. निखिल पिंगळे यांच्या मार्गदर्शनाखाली लातूर (Latur) ग्रामीणचे पोलीस निरीक्षक गणेश कदम यांनी सायबर सेल मदतीने गुन्ह्याचा तपास सुरू केला होता. सदर गुन्ह्याचे तपासात संतोष तुळशीराम बयवाड या आरोपीने तयार केलेल्या बनावट फेसबुक अकाउंटच्या तांत्रिक व सखोल विश्लेषण करून सदरचे बनावट फेसबुक अकाउंट तयार करून महिलेला विनाकारण त्रास देणारा आरोपी संतोष तुळशीराम बयवाड यास सदर गुन्ह्यात अटक (Arrested) करण्यात आली आहे.

आरोपीकडून गुन्ह्यात वापरलेले मोबाईल आणि २ सिमकार्ड जप्त करण्यात आले आहे. सदरच्या आरोपीने बनावट फेसबूक अकाउंट तयार करून आणखीन कोणत्या महिला आणि मुलींची फसवणूक केली आहे का? काय याबाबतचा तपास सुरू आहे. या प्रकरणाचा पुढील तपास पोलीस करत आहेत.

Edited By- Digambar Jadhav