Accident News : अहमदनगर-मनमाड महामार्गावर भीषण अपघात; एकाचा मृत्यू, तर तिघेजण जखमी

अजय सोनावणे

मनमाड : अहमदनगर-मनमाड महामार्गावर भीषण अपघातात एकाचा मृत्यू झाला आहे. येवल्यातील नांदेसर चौफुलीजवळ हा अपघात झाला. कोपरगाव येथून मालेगावला जात असलेल्या तवेरा गाडीला हा अपघात झाला आहे.

मिळालेल्या माहितीनुसार, चालकाचे गाडीवरील नियंत्रण सुटल्याने गाडी दुभाजकावर जाऊन आदळली. गाडीने 2 ते 3 वेळा उलटली. यात एकाचा मृत्यू झाला तर 3 जण गंभीर जखमी झाले आहेत. (Latest Marathi News)

गाडीत एकूण आठ जण प्रवास करत होते. सर्वजण मालेगाव येथील रहिवाशी असून अपघाताची माहिती मिळताच येवला शहर पोलिसांनी घटनास्थळी धाव घेतली. जखमींना येवल्यातील उपजिल्हा रुग्णालयात दाखल करण्यात आले असून काहींना पुढील उपचारासाठी मालेगाव येथे हलवण्यात आले आहे.