परभणी : सकाळ रिलीफ फंड व स्थानिक गावकऱ्यांच्या एकीतून शेळगाव येथील महाविष्णु तलावातील गाळ काढण्याचे हाती घेतलेल्या कामाचा फायदा ग्रामस्थांना हाेईल असे मत जिल्हाधिकारी आंचल गोयल यांनी व्यक्त केले. गाेयल यांनी राज्यभरात सकाळ परिवार विविध समाजपयाेगी काम करीत असते. यामुळे समाजातील विविध घटकांना त्याचा लाभ हाेताे असे नमूद केले. (parbhani latest marathi news)
सकाळ रिलीफ फंडातुन (sakal relief fund) सोनपेठ तालुक्यातील कोठाळा, बोदरगाव ,डिघोळ, सायखेडा या गावात जलसंधारणाची कामे यापुर्वी करण्यात आली आहेत. या कामांचा फायदा या गावांसह आजुबाजुच्या गावांना झाला आहे. यंदा लोकसहभागातुन शेळगाव महाविष्णु येथील तलावातील गाळ काढण्याच्या कामाचा प्रारंभ जिल्हाधिकारी आंचल गोयल यांच्या हस्ते झाला. त्यावेळी जिल्हाधिकारी गाेयल बाेलत हाेत्या.
सकाळ माध्यम समुहाच्या सकाळ रिलीफ फंडातुन अनेक लोकोपयोगी कामे करण्यात येतात. मराठवाड्यातील (marathwada) दुष्काळावर (drought) मात करण्यासाठी गेली अनेक वर्षे सकाळ रिलीफ फंड आणि तनिष्का व्यासपीठाच्या माध्यमातून विविध समाजपयाेगी उपक्रम राबविले जात आहेत. या कामांमुळे मराठवाड्यातील शेकडो गावांना याचा मोठा लाभ हाेत आहे.
शेळगाव महाविष्णु येथील तलावातील गाळ काढण्याच्या कामाचे काैतुक करत पाण्यासाठी (water) काम करणे गरजेचे असल्याचे मत जिल्हाधिकारी गाेयल यांनी ग्रामस्थांशी चर्चा करताना व्यक्त केले. त्या म्हणाल्या एकीतून गावाचा विकास साध्य हाेताेय हे पाहून खूप आनंद हाेत आहे. सकाळ परिवाराने ग्रामस्थांसाठी केलेली मदत शब्दांत व्यक्त करणे खूप अवघड आहे. सकाळ नेहमी समाजाच्या पाठीशी खंबीर उभे राहते असेही जिल्हाधिकारी गाेयल यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
