Maharashtra Live News Update : पुणे शहरातील औंध भागात बिबट्याची एन्ट्री

निवडणूक निर्णय अधिकारी,नगराध्यक्ष पदाच्या उमेदवारांना बाजु मांडण्यासाठी समन्स

पूर्व सूचना न देता वगळले मतदार यादीतून नाव

यवतमाळ नगर परिषदेत माजी मुख्याधिकारी माधुरी मडावी नगराध्यक्षपदासाठी केलाय नामांकन दाखल

मतदार यादीत नाव नसल्याचे कारण देत मडावी यांचा अर्ज बाद करण्यात आला होता.या आदेशा विरोधात मडावी यांनी जिल्हा सत्र न्यायालयात अपील दाखल केलीये

दरम्यान न्यायालय यावर उद्या अंतिम निकाल देणार,यवतमाळ करांच्या नजरा न्यायालयाच्या निकालाकडे

बदलापुरात निवडणुकीचा प्रचार सुरू असताना भाजप आणि बहुजन मुक्ती पार्टीचे कार्यकर्ते आपसात भिडले. दोन्ही पक्षाच्या कार्यकर्त्यांमध्ये हाणामारी झाली.

मिळालेल्या माहितीनुसार बदलापूरच्या आंबेडकर चौकात भाजपची सभा होती. त्याच भागातून बहुजन मुक्ती पार्टीची रॅली जात असताना दोन्ही पक्षाचे कार्यकर्ते आमने-सामने आले. डीजेच्या आवाजावरून बाचाबाची झाली. त्याचं पर्यावसन हाणामारीत झालं. त्यानंतर बहुजन मुक्तीच्या कार्यकर्त्यांनी ठिय्या आंदोलन केलं. हाणामारीच्या या घटनेनं बदलापुरात निवडणूक प्रचाराला गालबोट लागलय.

आमदार रोहित पवार यांच्या सोशल मीडियावरील पोस्टवरून मंत्री जयकुमार गोरे यांनी निशाणा लगावला होता.

सोशल मीडियावर पोस्ट करून पक्ष चालत नाही तर जनतेमध्ये जावं लागतं असा टोला जयकुमार गोरे यांनी आमदार रोहित पवार यांना लगावला होता. यावरून रोहित पवार यांनी गोरे यांन प्रतिउत्तर दिला आहे. आम्ही लोकांमध्येच आहे गोरे हे कदाचित नरेंद मोदी किंवा भाजपच्या नेत्यांवर यांच्यावर बोलले असतील असा उपरोधि रोहित पवार यांनी लगावला आहे. तर तुमचा इतिहास हा लोकांसमोर उघडा असून सर्वांना माहीत आहे. अजून बोलून उघडा करू नका, अन्यथा आम्ही लक्ष घातलं तर तुमची अडचण झाल्याशिवाय राहणार नाही असा इशारा रोहित पवारांनी गोरे यांना दिला आहे.

पुणे शहरातील औंध भागात बिबट्या आढळला. पुणे शहराच्या मध्यवर्ती भागात आढळून स्थानिकांना बिबट्या दिसला. वन विभागाकडून आणि टीम रेस्कु कडून बिबट्याच्या शोध सुरू आहे. पहाटे ४ नंतर मात्र बिबट्याच्या कुठल्या ही खुणा मिळून न आल्याची माहिती. बिबट्याचा ड्रोनने शोध घेतला जातोय.