उल्हासनगरात गुंडांचा हैदोस! व्यापाऱ्याला लोखंडी रॉडने मारहाण

उल्हासनगर: एका व्यापाऱ्याला आणि त्याच्या कर्मचाऱ्याला काही गुंडानी लोखंडी रॉडने जबर मारहाण केल्याची घटना उल्हासनगर मध्ये घडली आहे. ही सर्व घटना सीसीटीव्ही कॅमेरात चित्रित झाली आहे. कॅम्प नंबर दोन भागातील एका दुकानात तीन दिवसापूर्वी काही गुंडाचे व्यापाऱ्यां बरोबर हाणामारी झाली होती. हा वाद मिटवण्यासाठी दुकानाचा कर्मचारी दीपक छाब्रिया हा गेला होता.

तसेच या गुंडान विरोधात पोलिस ठाण्यात तक्रार करण्यास व्यापाऱ्यां सोबत तो होता. याचाच राग मनात ठेवून या गुंडांनी आज रात्री साडेनऊ वाजताच्या दीपक छाब्रिया हा राहुल शूज दुकाना बाहेर उभा असताना त्याच्यावर हल्ला केला त्याला लोखंडी रॉडने आणि लाथा-बुक्क्यांनी जबर मारहाण केली तसेच हे भांडण सोडवण्यासाठी गेलेल्या राहुल शूज दुकानाचे मालक दीपक गोकलानी यांनाही या गुंडांनी मारहाण करत दुकाना बाहेर तोडफोड केली.

ही सर्व घटना सीसीटीव्ही कॅमेरा चित्रित झाली आहे. या हाणामारीत जखमी झालेल्या दीपक गोपलानी आणि दुकानाचा कर्मचारी दीपक छाब्रिया यांना उल्हासनगर मधील ममता नर्सिंग होम या रुग्णालयात दाखल केले असून त्यांच्यावर उपचार सुरू आहेत. या हल्ल्यात दीपक छाब्रिया हे गंभीर जखमी झाले असून, हल्ला करुन ते 4 ही हल्लेखोर पळून गेले असून पोलिस त्यांचा शोध घेत आहेत. मात्र या घटनेनंतर उल्हासनगरमधील व्यापाऱ्यांमध्ये दहशतीचे वातावरण आहे. व्यापारी संघटना सतत गुंडांकडून व्यापाऱ्यांना होणाऱ्या मारहाणीचा संताप व्यक्त करत आहेत.

Edited By: Pravin Dhamale