Pandharpur News : आषाढी यात्रेच्या (Ashadhi Ekadashi) सोहळ्याला दहा दिवसांचा अवधी असला तरी विठुरायाच्या दर्शनासाठी पंढरपूरात आत्तापासूनच हजाराे भावक दाखल हाेऊ लागले आहेत. आज (मंगळवार) श्री विठ्ठल रुक्मिणी मंदिरात भाविकांची मोठी गर्दी झाली आहे. (Maharashtra News)
आषाढी एकादशी (Ashadhi Ekadashi 2023) निमित्त पंढपुरात येणाऱ्या वारकऱ्यांसाठी आजपासून (मंगळवार) विठ्ठल-रुक्मिणीचे २४ तास दर्शन सुरू राहणार आहे. आज सकाळी ११ वाजता विधिवत पूजा करून देवाचा पलंग काढला जाणार आहे. प्रत्येक मिनिटाला ३५ ते ४० भाविकांना विठुरायाचे प्रत्यक्ष दर्शन घेता येईल अशी माहिती प्रभारी जिल्हाधिकारी तुषार ठोंबरे यांनी दिली.
आज (shri vitthal rukmini mandir) विठुरायाची पदस्पर्श दर्शनाची रांग गोपाळपूर रोडवरील पत्राशेड पर्यंत गेली आहे. येथील चार पत्राशेड भाविकांनी भरले आहेत. सध्या दर्शन रांगेत जवळपास 60 ते 70 हजार भाविक उभे आहेत. सध्या दर्शनाचा प्रति मिनीट वेग 40 भाविक इतका आहे. दर्शनासाठी भाविकांना सुमारे सहा ते सात तासांचा वेळ लागत आहे. या दर्शन रांगेतील भाविकांसाठी मंदिर समितीने पाणी, चहा, नाष्टा आदींची सोय केली आहे. स्वच्छतेसाठी स्वतंत्र कर्मचाऱ्यांची नियुक्ती केली आहे.
आषाढी एकादशी कधीपासून प्रारंभ?
आषाढी एकादशीचा प्रारंभ २९ जून २०२३ पहाटे ३ वाजून १८ मिनिटांनी ते समाप्तीः ३० जून २०२३ रोजी पहाटे २ वाजून ४२ मिनिटे भारतीय पंचांगानुसार, सूर्योदयाची तिथी मानण्याची प्राचीन परंपरा असल्यामुळे आषाढी एकादशी गुरुवार २९ जून २०२३ रोजी साजरी करण्यात येईल.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.