संतापजनक! १० वर्षीय चिमुकलीवर नराधम तरुणाकडून अत्याचार

बीड : बीड (Beed) जिल्ह्यात एका १० वर्षीय चिमुकलीवर गावातीलच एका २२ वर्षीय नराधम तरुणाने अत्याचार केल्याची धक्कादायक घटना समोर आली आहे. ही घटना बीड ग्रामीण पोलीस ठाण्याच्या हद्दीत घडली आहे.

पोलिसांनी (Police) दिलेली माहिती अशी, पीडित १० वर्षीय चिमुकली मुलगी बीडमध्ये नातेवाइकांकडे राहून शिक्षण घेत आहे. उन्हाळी सुट्टीत ती मुलगी गावी आली होती. ३ जून रोजी शेजारील नराधम शेख फय्युम शेख अब्दुल वय २२ या तरुणाने पीडितेला १०० रुपये देत दुकानावरून बिस्कीट आणायला सांगितले.

पीडिता बिस्कीट घेऊन आल्यावर तिला घरात नेत तिच्यावर अत्याचार केला. पीडितेने घडलेला प्रकार आईला सांगितल्यावर पीडितेची आई जाब विचारण्यास गेली, तेव्हा शेख फय्युम दुचाकीवरून पसार झाला. दरम्यान पीडित मुलीच्या आईने बीड ग्रामीण पोलीस ठाणे गाठून पोलिसांसमोर कैफियत मांडली. याप्रकरणी आरोपी नराधम शेख फय्युम याच्यावर अत्याचारासह पोक्सोनुसार गुन्हा दाखल करण्यात आला आहे. फरार आरोपीचा पोलीस (Police) शोध घेत आहेत.