नाशिकच्या १४ वर्षीय मुलाच्या पाठीचा बाक सरळ करण्यात जीटी म्हणजेच गोकुळदास तेजपाल रुग्णालयातील डॉक्टरांना यश आले आहे. अक्षय संतोष भावसार (वय १४) हा दोन वर्षांपासून पाठीला बाक असल्याने आजारी होता. त्यानंतर जीटी रुग्णालयात त्याला दाखल करण्यात आले. तेथे तज्ज्ञ डॉक्टरांच्या निगराणीखाली अक्षयच्या सर्व तपासण्या करून त्याच्यावर मोफत शस्त्रक्रिया पार पडली.
अक्षयच्या पाठीला बाक आहे, हे त्यांच्या दोन वर्षांपूर्वी लक्षात आले. तेव्हा त्यांनी नाशिकचे वसंतराव पवार वैद्यकीय महाविद्यालयात दाखवले. त्या डॉक्टरांनी विविध तपासण्या करून दाखल करण्यास सांगितले. त्यानुसार त्याला तिथे दाखल केले. त्यानंतर डॉ. गौरव गुजराती यांनी शस्त्रक्रिया करण्याचा सल्ला दिला. खासगी रुग्णालयात त्याचा खर्च परवडणार नसल्यामुळे डॉ. गुजराती यांनी अक्षयला जीटी रुग्णालयात दाखल करण्याचा सल्ला दिला.
(साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
तिथे डॉ. धीरज सोनावणे यांना भेटण्यास सांगितले. डॉ. धीरज सोनावणे हे जे.जे. रुग्णालयातील अस्थिरोगतज्ज्ञ आहेत. त्यानंतर अक्षयच्या आई-वडिलांनी डॉ. सोनावणे यांची भेट घेतली. त्यांनी अक्षयला तपासून न्यूरोफायब्रोमटोसिस आणि डोरसल कायफोस्कॉलिओसिस या गंभीर आजाराचे निदान केले. गुंतागुंतीच्या शस्त्रक्रियेबाबत त्यांनी धीर दिला. अक्षयची ही शस्त्रक्रिया २५ जानेवारीला झाली. त्यासाठी इम्पोर्टेड रॉड व स्क्रू वापरले.
कठीण काळात डॉ. धीरज सोनवणे यांनी आम्हाला मानसिक आधार दिला. अक्षयची अवघड शस्त्रक्रिया अतिशय यशस्वीरीत्या पार पाडल्यामुळे व त्याच्या तब्येतीत सुधारणा असल्यामुळे आम्ही आनंदी असल्याचं त्याच्या कुटुंबीयांनी सांगितलं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
