Trimbakeshwar News : त्र्यंबकेश्वरमध्ये १३५ किलो भेसळयुक्त मिठाई जप्त, अन्न आणि औषध प्रशासनाची कारवाई (Video)

Nashik :

नाशिक जिल्ह्यातील त्र्यंबकेश्वरमध्ये अन्न आणि औषध प्रशासनाने मिठाई विक्रेत्यांवर माेठी कारवाई केली आहे. या कारवाईत अन्न आणि औषध प्रशासनाने तब्बल १३५ किलो भेसळयुक्त जप्त केलेल्या मिठाईचा साठा नष्ट केला. (Maharashtra News)

त्र्यंबकेश्वर मंदिर परिसरातील पेढा आणि स्पेशल मलई बर्फी विक्रेत्यांवर ही कारवाई करण्यात आली आहे. भेसळीच्या संशयावरून अधिकाऱ्यांनी टाकलेल्या छाप्यात १३५ किलो भेसळयुक्त मिठाई आढळल्यानंतर संबंधित माल जप्त करण्यात आला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या मंदिर परिसरातील दुकानं आणि विक्रेत्यांवर एकाच वेळी अधिकाऱ्यांचा छापा पडल्याने विक्रेत्यांची तारांबळ उडाली. पेढा आणि स्पेशल मलई बर्फीच्या नावाखाली भेसळयुक्त मिठाईची विक्री केली जात असल्याचं या निमित्त आता उघड झाले आहे.

अन्न आणि औषध प्रशासनाने भाविकांना धार्मिक स्थळी प्रसाद म्हणून पेढे, बर्फी, मिठाई आदी खरेदी करतांना ते दुधापासून बनविले असले बाबत खात्री करावी असे आवाहन केले आहे. भेसळयुक्त अन्न पदार्थांसंदर्भात, तक्रार तसेच काही गोपनिय माहिती प्राप्त झाल्यास प्रशासनास त्वरीत टोल फ्रि क्रमांक १८००२२२३६५ यावर संपर्क साधावा असे आवाहन करण्यात आले आहे.

Edited By : Siddharth Latkar